03.05.2024 | 16:07
ՀՀ գլխավոր դատախազի ճեպազրույցը. ՈՒՂԻՂ
ՀՀ-ն չի՛ աջակցում ՌԴ-ին՝ շրջանցել Արևմուտքի պատժամիջոցները․ 2-3 ընկերության դեմ սանկցիա եղել է, մասշտաբային չէ․ Վահան Քերոբյան․ ՏԵՍԱՆՅՈՒԹ
Քաղաքականություն
24.03.2023 | 19:02
ՀՀ էկոնոմիկայի նախարար Վահան Քերոբյանը Factor TV-ին տված հարցազրույցում հերքում է այն գնահատականները, համաձայն որոնց՝ Հայաստանն աջակցում է Ռուսաստանին արևմտյան պատժամիջոցները շրջանցելու հարցում։
Շաբաթներ առաջ ԱՄՆ Արդարադատության, Առևտրի և Ֆինանսների նախարարությունները նշել են, որ որոշ դերակատարներ շարունակում են փորձել խուսափել Ռուսաստանի հետ կապված պատժամիջոցներից՝ փորձելով խուսափել արտահանման վերահսկողությունից, այդ թվում՝ երրորդ կողմի միջնորդությամբ: Չինաստանի, Թուրքիայի, Ուզբեկստանի կողքին նաև ՀՀ-ի անունն է նշված որպես պետություն, որոնք «օգտագործվել են Ռուսաստան կամ Բելառուս արգելված ապրանքներն անօրինական կերպով հասցնելու համար»:
«Ո՛չ, չկա այդպիսի բան, քննարկում կա դրա մասին, բայց փաստ չկա։ Երկու-երեք ընկերություն սանկցիաների տակ ընկել են, բայց մասշտաբային այդպիսի գործընթաց չկա։ Այստեղ կա զուգահեռ ներմուծումների գործոնը, սակայն ՀՀ-ից ՌԴ արտահանվում են ո՛չ սանկցիոն ապրանքներ»,- ասաց նախարարը։
Ըստ նրա՝ Հայաստանի նպատակն է, «չհայտնվելով պատժամիջոցների տակ, կարողանալ լավագույնս օգտագործել առաջացած տնտեսական հնարավորությունները»։
«Գլխավոր պայմանը պատժամիջոցների տակ չընկնելն է, սանկցիոն ապրանքներ չարտահանելը»,- նշեց Քերոբյանը։
Հարցազրույցն ամբողջությամբ՝ տեսանյութում։
Ռոբերտ Անանյան
