25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Սիրիայում ամերիկյան բազան հարձակման է ենթարկվել
Քաղաքականություն
24.03.2023 | 14:57
Սիրիայի հյուսիս-արևելքում գտնվող ամերիկյան բազան հրթիռակոծվել է։ Այս մասին հայտնել է լիբանանյան Al-Mayadeen հեռուստաալիքը, փոխանցում է ՌԻԱ Նովոստին:
«Դեյր Զոր նահանգի հյուսիս-արևելքում գտնվող Օմար նավթային հանքավայրում տեղակայված ամերիկյան բազան մի քանի հրթիռներով հարձակման է ենթարկվել»,- հայտնել է հեռուստաալիքը։
Ավելի վաղ Sputnik Arabic-ը հայտնել էր, որ հինգ մարդ է վիրավորվել Դեյր Զոր քաղաքի վրա հրթիռային հարվածի հետևանքով։
Հիշեցնենք, որ այսօր Պենտագոնը հայտարարել էր, որ ԱՄՆ-ն օդային հարվածներ է հասցրել Սիրիայում Իսլամական հեղափոխության պահապանների կորպուսի (ԻՀՊԿ) հետ կապված խմբավորումների օբյեկտներին՝ ի պատասխան կոալիցիոն ուժերի բազային իրանական անօդաչու թռչող սարքով հարձակման, որի հետևանքով զոհվել էր ամերիկացի մեկ զինծառայող, վիրավորվել՝ վեցը։
Տաթև Ֆռանգյան
