16.01.2026 | 19:30
Մեծ Բրիտանիայի դեսպանը մեկնաբանել է հայ գեղասահորդների՝ Եվրոպայի առաջնությանը չմասնակցելու հարցը
ԱՄՆ-ն օդային հարվածներ է հասցրել Արևելյան Սիրիայում թիրախների, որոնք կապված են Իրանի հետ
Քաղաքականություն
24.03.2023 | 11:33
ԱՄՆ օդուժը հարվածներ է հասցրել Արևելյան Սիրիայում թիրախների, որոնք կապված են Իրանի հետ, VOA-ի փոխանցմամբ՝ հայտնել է Պենտագոնը։
Սա, ըստ էության, պատասխանն է ուրբաթ օրը տեղի ունեցած միջադեպի։ Կամիկաձե ԱԹՍ-ն տեղի ժամանակով ժամը 13։38-ին հարվածներ էր հասցրել Սիրիայի հյուսիս-արևելքում գտնվող Էլ-Հասակա քաղաքում կոալիցիոն ուժերի տեխնիկական սպասարկաման օբյեկտին։ Ամերիկացի մի կապալառու էր զոհվել, 5 զինծառայող և ևս մեկ կապալառու վիրավորվել էին։ Պենտագոնը հայտարարել է, որ հետախուզական ծառայոությունների տվյալներով՝ ԱԹՍ-ն եղել է իրանական ծագման։
«Նախագահ Բայդենի ցուցումով ես լիազորել եմ ԱՄՆ կենտրոնական հրամանատարության ուժերին ճշգրիտ հարվածներ հասցնել Սիրիայի արևելքում այն օբյեկտներին, որոնք օգտագործվում են Իրանի Իսլամական հեղափոխության պահապանների կորպուսի (ԻՀՊԿ) հետ կապված խմբավորումների կողմից»,- ասել է ԱՄՆ պաշտպանության նախարար Լլոյդ Օսթինը։
Տաթև Ֆռանգյան
