08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Էրդողանը հայտնել է, որ երկրաշարժի գործերով հետաքննություն է սկսվել 1364 անձի նկատմամբ, 302-ը կալանավորվել է
Քաղաքականություն
23.03.2023 | 21:28
Թուրքիան հետաքննություն է սկսել 1364 անձի նկատմամբ, որոնք կարող են պատասխանատու լինել փետրվարին երկրում տեղի ունեցած երկրաշարժերի հետևանքով շենքերի ավերման համար։ Այս մասին հայտարարել է Թուրքիայի նախագահ Ռեջեփ Թայիփ Էրդողանը թուրքական լրատվամիջոցներին տված հարցազրույցում, գրում է Կոմերսանտը։
«Հետաքննական գործողություններ են սկսվել 1364 անձի նկատմամբ, կալանավորվել է 302 կասկածյալ։ Եվս 312 անձի նկատմամբ կալանքի որոշում է կայացվել»,- ասել է Էրդողանը։
Նրա խոսքով՝ կալանավորվածների թվում են 106 կապալառուներ, 163 շինարարներ, ինչպես նաև 18 կասկածյալներ, որոնք փոփոխություններ են կատարել շենքերի նախագծման մեջ։ Էրդողանը նշել է, որ 466 կասկածյալներից ոմանք ազատ են արձակվել ստորագրությամբ, այդ թվում՝ 85 կապալառու, 56 շենքի սեփականատեր և 34 մարդ, որոնք փոփոխություններ են կատարել շենքերի նախագծում։
Թուրքիայի նախագահը հայտնել է, որ այսօր դրվելու են առաջին տների հիմքերը, որոնք կառուցելու են աղետի գոտում։ Ընդհանուր առմամբ, նախատեսվում է կառուցել 650 հազար շենք։
Էմմա Չոբանյան
