16.01.2026 | 18:09
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
ԵԽԽՎ հանձնաժողովը Բաքվին կոչ է արել կատարել Լաչինի միջանցքի վերաբերյալ Հաագայի դատարանի որոշումը
Քաղաքականություն
23.03.2023 | 13:38
Եվրոպայի խորհրդի խորհրդարանական վեհաժողովի (ԵԽԽՎ) իրավական հարցերի և մարդու իրավունքների հանձնաժողովը կոչ է արել Բաքվին անհապաղ կատարել Արդարադատության միջազգային դատարանի որոշումը Լաչինի միջանցքի բացման վերաբերյալ։ Կոմիտեի հայտարարությունը հրապարակված է Եվրոպայի խորհրդի կայքում։
«ԵԽԽՎ իրավական հարցերի և մարդու իրավունքների հանձնաժողովը խորապես մտահոգված են Լաչինի միջանցքի շարունակական արգելափակման պատճառով առաջացող հումանիտար ճգնաժամի կապակցությամբ: Այս միջանցքը փրկօղակ է Լեռնային Ղարաբաղում ապրողների և Հայաստանի միջև»,- ասված է հայտարարության մեջ։
Եվրոպացի պատգամավորներն իրենց աջակցությունն են հայտնել նաև Հայաստանում ԵԽԽՎ մոնիթորինգային առաքելության համազեկուցողներ Կիմմո Կիլյունենին և Բորիան Էբերգին՝ կոչ անելով Բաքվին անհապաղ միջոցներ ձեռնարկել և դադարեցնել Լաչինի միջանցքի անօրինական արգելափակումը։
Փետրվարի 22-ին Արդարադատության միջազգային դատարանը բավարարել է Հայաստանի՝ միջանկյալ միջոցներ կիրառելու վերաբերյալ դիմումը և պարտավորեցրել Ադրբեջանին՝ ապահովել քաղաքացիների, տրանսպորտային միջոցների և ապրանքների անխափան տեղաշարժը Լաչինի միջանցքով երկու ուղղություններով՝ մինչև գործի վերաբերյալ վերջնական որոշում կայացնելը։
Տաթև Ֆռանգյան
