16.01.2026 | 22:00
Վթար Էջմիածին-Երևան ճանապարհին. 4 տուժած հոսպիտալացվել է
Էրդողանը հայտարարել է, որ առաջիկա օրերին հեռախոսազրույց կունենա Պուտինի հետ
Քաղաքականություն
23.03.2023 | 12:42
Թուրքիայի նախագահ Ռեջեփ Թայիփ Էրդողանը հայտնել է, որ առաջիկա օրերին հեռախոսազրույց է ունենալու ՌԴ նախագահ Վլադիմիր Պուտինի հետ, գրում է Անադոլուն։ Նա նշել է, որ բանակցությունների ընթացքում քննարկվելու է Սևծովյան հացահատիկային նախաձեռնության իրականացման ընթացքը։
«Երկու-երեք օրից մենք հեռախոսազրույց կունենանք Պուտինի հետ»,-ասել է Էրդողանը TEM և Star TV հեռուստաալիքներին տված հարցազրույցում։ Նա նշել է, որ միջազգային հանրությունը բարձր է գնահատում Թուրքիայի միջնորդական ջանքերը Ռուսաստանի ու Ուկրաինայի միջև հակամարտության խաղաղ կարգավորմանն ուղղված։ Ըստ Էրդողանի՝ Թուրքիան միակ երկիրն է, որին որպես միջնորդ մատնանշում են ռուս-ուկրաինական պատերազմում։ Նա խոսել է նաև Թուրքիայում ավերիչ երկրաշարժերի հետևանքների վերացմանն ուղղված միջոցառումների մասին։
Էմմա Չոբանյան
