26.02.2026 | 17:21
Ինչպես են Փաշինյանին դիմավորում Վարշավայում․ ՏԵՍԱՆՅՈՒԹ
Սա հյուծման պատերազմ է, դրա ելքը կորոշի արդյունաբերության աշխատանքը․ Ստոլտենբերգ
Քաղաքականություն
23.03.2023 | 11:55
ՆԱՏՕ-ի գլխավոր քարտուղար Յենս Ստոլտենբերգը, որը 9 տարվա պաշտոնավարումից հետո այս տարի կհեռանա, բրիտանական Guardian թերթին ծավալուն հարցազրույց է տվել։ Հիմնական թեման եղել Ուկրաինայում պատերազմը։ Ստոլտենբերգն ասել է, որ հակամարտությունը դառնում է ձգձգվող ու ընդգծել է, որ ուկրաինական հրետանուն արկեր են պետք։
«Նախագահ Պուտինը չի պատրաստվում խաղաղության, նա պատրաստվում է պատերազմը շարունակելուն։ ՌԴ-ն կապ է հաստատում ավտորիտար ռեժիմների հետ, ինչպիսիք են Իրանը, Հյուսիսային Կորեան և այլն, որպեսզի էլ ավելի շատ զենք ստանա»,- ասել է ՆԱՏՕ-ի գլխավոր քարտուղարը՝ ընդգծելով, որ այժմ Ուկրաինան օրական 4000-ից 7000 արկ է կիրառում, մինչդեռ Ռուսաստանը միջինում 20 հազար արկ է արձակում։ Ուկրաինայի ԶՈւ-ի կողմից սպառազինության ծախսման ներկայիս տեմպերը գերազանցում են արտադրության տեմպերը։ Հենց այս պատճառով էլ արևմտյան երկրները, առաջին հերթին՝ ԱՄՆ-ը, Մեծ Բրիտանիան, Ֆրանսիան և Գերմանիան, պետք է պատրաստ լինեն երկար ժամանակով աջակցել Ուկրաինային զենքով, զինամթերքով և տեխնիկայի համար պահեստամասերով, կարծում է Ստոլտենբերգը։
«Անհրաժեշտ է դա պահպանել, քանի որ սա հյուծման պատերազմ է։ Դրա ելքը կվճռի ինդուստրիալ հզորությունների մրցակցությունն ու երկարատև աջակցության կարողությունը»,-ասել է նա։
Տաթև Ֆռանգյան
