14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Եկեք վավերացնենք, ՌԴ նախագահը գա, հասկանանք․ Ալեն Սիմոնյանը՝ Հռոմի ստատուտի մասին․ ՏԵՍԱՆՅՈՒԹ
Քաղաքականություն
20.03.2023 | 17:48
ՀՀ-ն ամենօրյա ռեժիմով ամեն ինչ անում է՝ ՀՀ պաշտպանունակությունը բարձրացնելու համար: Լրագրողների հետ ճեպազրույցում այս մասին նշեց ԱԺ նախագահ Ալեն Սիմոնյանը՝ անդրադառնալով հարցին՝ ունե՞նք հնարավորություն՝ ռազմական ագրեսիան կանխելու համար։
Հաագայի միջազգային դատարանը քրեական միջազգային օրդեր է տալիս՝ Վլադիմիր Պուտինին ձերբակալելու համար, այս շաբաթ ՀՀ ՍԴ-ն դիտարկելու է այդ հարցը Հռոմի ստատուտի վերաբերյալ, եթե դա վավերացվի ու ՌԴ նախագահը ԵԱՏՄ կամ ՀԱՊԿ-ի նիստերից մեկի շրջանակներում գա ՀՀ, մեր քաղաքական ղեկավարությունը ի՞նչ գործողություն կանի․ անդրադառնալով այս հարցին՝ Ալեն Սիմոնյանը պատասխանեց, որ դա դեռ պետք է գա ԱԺ, ՍԴ-ն պետք է որոշում կայացնի. «Ես պրակտիկայում չեմ պատկերացնում՝ ինչպիսի գործողություններ պետք է անի երկիրը, բայց կարծում եմ, որ իրավական և քաղաքական գնահատականով է շատ ավելի ծանրակշիռ ինքը, քան կոնկրետ գործողությունների մասով…
«Թող հլը վավերացնի, Կիկոսի մահին չեմ անդրադառնա, իրագործումը չեմ պատկերացնում: Դա շատ ավելի քաղաքական, միգուցե պատմական գնահատական է»: ՀԱՊԿ-ի մասին խոսելով՝ Ալեն Սիմոնյանն ասաց. «Այն գործողությունները, որ ՀԱՊԿ-ը պետք է անի, չի անում և ցույց է տալիս իր բացակայությունը»: ՀԱՊԿ գլխավոր քարտուղարը այս ընթացքում Հայաստան է այցելել, այցելել Ջերմուկ, Ալեն Սիմոնյանը արձագանքում է. «Որ եկավ, ի՞նչ փոխվեց: Թող գան, գնան, հարցը դրանով չի լուծվում: Դա չի խանգարի երկու օր հետո որևէ գործողություն սկսելու: Այդ փորձը ունեցել ենք ավելի բարձր պաշտոնյաների այցելությունից հետո…Այդքան այցելությունից հետո մենք մեկ է՝ ունեցանք Սև լիճ, ունեցանք Ջերմուկի հարձակումը»:
Մանրամասները՝ տեսանյութում։
