12.10.2026 | 16:26
«Լիդիան Արմենիան» երկու բնապահպան իրավապաշտպաններից 6-ական մլն դրամ է պահանջում․ միջազգային կառույցների ահազանգը
Պատգամավորը՝ «ձախ ճանապարհով» ստվերային համագործակցությունները կանխելու մասին․ ՏԵՍԱՆՅՈՒԹ
Տնտեսություն
21.06.2018 | 13:10
«Այն փոփոխություններրը, որոնք կատարվել են սառեցված հացի դրոշմապիտակավորման հետ կապված, մենք ընդունում ենք, բայց կան մի շարք ապրանքատեսակների՝ կարագի, սուրճի, թեյի դրոշմապիտակավորման հետ կապված խնդիրներ։ Մեր գործընկերներն առաջարկել են, որ այս ապրանքատեսակների՝ մինև 150 գրամը դրոշմապիտակ չունենա, իսկ Կառավարությունն առաջարկել է մինչև 50 գրամի դեպքում առանց դրոշմապիտակի վաճառել։ Ես հակված եմ պաշտպանել Կառավարության տեսակետն այն իմաստով, որ մինչև 150 գրամի պարագայում կարող են լինել որոշակի ստվերային ռիսկեր»,- այսօր Ազգային ժողովում Հարկային օրենսգրքում կատարվող փոփոխությունների վերաբերյալ իր մտահոգությունները հայտնեց ԱԺ «Ծառուկյան» խմբակցության պատգամավոր Սերգեյ Բագրատյանը։
Վերջինս նշեց, որ եթե Ազգային ժողովն ընդունի առանց դրոշմապիտակի համար մինչև 150 գրամի շեմը, ապա հնարավոր է արտադրողը 150 գրամանոց կարագ արտադրի, ապրանքն ուղարկի խանութ, որտեղ այն կվաճառվի առանց էլեկտրոնային հաշվի և կստացվի խանութն ու արտադրողը «ձախ ճանապարհով» համաձայնության կգան և կսկսեն ստվերային շրջանառություն իրականացնել։
Պատգամավորը նաև հավելեց, որ նման համաձայնություններ չեն կարող կնքվել, եթե առանց դրոշմապիտակի ապրանքների համար սահմանվի մինչև 50 գրամի շեմ։
Մանրամասները՝ տեսանյութում։
