22.01.2026 | 12:25
Ամուսին ուսուցիչները փորձել են մեկը մյուսի փոխարեն ատեստավորման թեստը լրացնել, բացահայտվել է. նախարար․ ՏԵՍԱՆՅՈՒԹ
Ինչո՞ւ «Ծառուկյան» դաշինքը քննադատելուց հետո կողմ քվեարկեց «Բարեգործության մասին» օրենքին, պատգամավորը մանրամասնում է․ ՏԵՍԱՆՅՈՒԹ
Քաղաքականություն
21.06.2018 | 13:05
Ազգային ժողովն այսօր երկրորդ ընթերցմամբ ընդունեց «Բարեգործության մասին» օրենքում փոփոխություններ և լրացումներ կատարելու մասին օրենքի նախագիծը, որն արտահերթ նիստի օրակարգ մտնելուց անմիջապես հետո դարձավ քննադատությունների պատճառ։
«Ծառուկյան» խմբակցության պատգամավոր Նաիրա Զոհրաբյանն, այսօր անդրադառնալով այդ քննադատություններին, նշեց․ «Երբ փորձ է արվում լրատվամիջոցներից մեկով բարդ կամ պարզ ստորադասական նախադասություննորվ ձևակեպել, որ «Բարեգործության մասին» օրենքում որևէ բան չի փոխվել, բայց «Ծառուկյան» դաշինքը կողմ է քվեարկել այս որոշմանը, նահանջում է իր սկզբունքայնությունից և քվեարկում է կողմ, ընդամենը փոքր տեղեկատվություն այդ մարդկանց համար»։
Նա պատգամավորներին ներկայացրեց օրենքի այն դրույթի փոփոխությունը, որի հետևանքով էլ իրենք կողմ են քվեարկել նախագծին։
Ըստ Նաիրա Զոհրաբյանի՝ օրենքի նախագծի վերաբերյալ Ազգային ժողովի տարբեր հանձնաժողովներում տեղի են ունեցել քննարկումներ, որոնց արդյունքում ստացվել է հետևյալը․ «Նախկինում Կառավարության որոշմամբ էր սահմանվում, թե որ ծրագիրը կարող է որակվել բարեգործական, մեր դաշինքի հետ քննարկումների արդյունքում այդ դրույթը ներառվեց նոր նախագծի մեջ և ազդեց մեր դիրքորոշման վրա, որի արդյունքում մենք քվեարկեցինք կողմ»։
Մանրամասները՝ տեսանյութում։
