Հասարակություն
03.03.2023 | 19:31
ՀՀ ՆԳՆ ոստիկանությունը Պարեկային ծառայության պետի թափուր պաշտոնի համար մրցույթ է հայտարարել։ Այս մասին տեղեկանում ենք ՆԳՆ տարածած հայտարարությունից։
«Մրցույթին մասնակցելու համար նշված փաստաթղթերը ոստիկանության ծառայողները կամ նախկին ծառայողները ներկայացնում են անձամբ` անձնագրով կամ անձը հաստատող այլ փաստաթղթով:
Փաստաթղթերն ընդունվում են միայն աշխատանքային օրերին` ժամը 9.30-ից մինչև 12.30-ը:
Դիմումների ընդունման վերջին ժամկետն է` 27.03.2023թ.։
ՀՀ ՆԳՆ ոստիկանությունում պարեկային ծառայության պետի թափուր պաշտոն զբաղեցնելու համար կարող են դիմել ՀՀ ՆԳՆ Ոստիկանության կադրային քաղաքականության վարչության կադրերի ընտրության և կադրային ռեսուրսի կառավարման բաժին` 322 կամ 311 սենյակ»,-նշված է հաղորդագրության մեջ:
Հիշեցնենք, որ այս տարվա փետրվարի 16-ին Արթուր Ումրշատյանն ազատվել է Ներքին գործերի նախարարության պարեկային ծառայության պետի պաշտոնից։ Ումրշատյանը ՀՀ ոստիկանության պարեկային ծառայության պետ էր նշանակվել 2021 թվականի հուլիսի 7-ին։
