20.03.2026 | 16:08
Իսրայելի բանակը հաստատել է ԻՀՊԿ խոսնակի մահը
Դատարաններում բավականին մտահոգիչ որոշումներ և վճիռներ են կայացվում լրագրողների դեմ. Աշոտ Մելիքյան․ ՏԵՍԱՆՅՈՒԹ
Հասարակություն
28.02.2023 | 14:47
Խոսքի ազատության և պաշտպանության կմիտեն կազմակերպել է «Դատական գործեր ընդդեմ լրագրողների և լրատվամիջոցների․ խնդիրներ և միտումներ» թեմայով կլոր սեղան-քննարկում։
Ներկայացվեցին 2021-2022 թվականների ընթացքում ընդդեմ լրատվամիջոցների և լրագրողների դատական գործերի մոնիտորինգի արդյունքները։ Յոթամսյա մշտադիտարկման տվյալների հիման վրա պատրաստվել է վերլուծական զեկույց։
«Դատարաններում բավականին մտահոգիչ որոշումներ և վճիռներ են կայացվում լրագրողների դեմ,- ընդգծեց Խոսքի ազատության և պաշտպանության կմիտեի նախագահ Աշոտ Մելիքյանը։ – Մշտադիտարկման միջոցով փորձ է արվել պարզել, թե դատավորները որքանով են հետևում ԶԼՄ–ներին վերբերող օրենսդրական կարգավորումներին, միջազգային կոնվենցիաներին, Մարդու իրավունքների Եվրոպական դատարանի ակտերին։ Կարևոր նշանակություն է տրվել դատարանների կողմից նմանատիպ վեճեր քննելիս միատեսակ, իրավաչափ ու կանխատեսելի մոտեցումներ դրսևորելուն»։
Նրա խոսքով՝ մշտադիտարկման ընթացքում հետազոտել և վերլուծվել են բացառապես այն գործերը, որոնք կապված են զրպարտության և վիրավորանքի հետ։ «Քաղաքացիական օրենսգրքի 1087․1 հոդվածով նախատեսված պատասխանատվություն է դա։ Լրատվամիջոցների դեմ հարուցված դատական գործերի ճնշող մեծամասնությունը դրան է վերաբերում, այլ հիմքով դատական գործերը եզակի են,- նշեց Մելիքյանը։- Այդ դատական գործերի առավել հետաքրքիր դրվագների, կամ, կարելի է ասել՝ առավել սկանդալային դատական վեճերի վերաբերյալ մենք նկարահանել ենք կարճ՝ 7-10 րոպեանոց ֆիլմեր ու տարածել դրանք»։
Խոսքի ազատության և պաշտպանության կմիտեի նախագահը հավելեց, որ զեկույցում վերջին մշտադիտարկման տվյալները համեմատվել են նախորդ հետազոտությունների տվյալների հետ։ Նախորդ հետազոտությունների հետ համեմատությունը ցույց է տվել, որ վիրավորանքի և զրպարտության հիմքով դատական հայցերի հոսքը 2021-ին ավելացել է, հավասարվելով 2019-ի ցուցանիշին, իսկ 2022-ին կտրուկ իջել, արձանագրելով վերջին 4 տարիների նվազագույն մակարդակը։
Մանրամասները՝ տեսանյութում։
