08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իսրայելցի հարյուրավոր զինվորներ Գազայում հրադադարի կոչով նամակ են ստորագրել. AP
Քաղաքականություն
14.01.2025 | 22:04
Գազայի հատվածում մարտերին մասնակցող իսրայելական բանակի մոտ 200 զինվորականներ հրադադարի կոչով նամակ են ստորագրել, հայտնում է Associated Press-ը։
Զինծառայողներն իրենց որոշումը բացատրել են, մասնավորապես, «էթիկական սահմանները խախտող» հրամանների հետ անհամաձայնությամբ։
Ստորագրողներից մեկն իսրայելցի զինվորական Յոթամ Ուիլքն է, որը 2023 թվականի նոյեմբերից ծառայել է որպես սպա։ Զինծառայողներից մեկի խոսքով՝ ի սկզբանե նա կարծում էր, որ ուժի կիրառումը կարող է ստիպել ՀԱՄԱՍ-ին նստել բանակցությունների սեղանի շուրջ, սակայն «պատերազմը ձգձգվել է»։
Յոթամ Ուիլքն ասել է, որ նամակը ստորագրելու իր որոշման վրա ամենամեծ ազդեցությունն ունեցել է դեռահասի մահը:
«Նա մահացել է որպես շատ ավելի մեծ պատմության մի մաս: Որպես քաղաքականության մի մաս, որը ստիպում է մեզ պաղեստինցիներին չընկալել որպես մարդ»,- նրա խոսքերն է մեջբերում AP-ն։
Թարգմանությունը՝ Տաթև Ֆռանգյանի
