07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Էրդողանի ազգայնական դաշնակիցը կրկին կասկածի տակ է դրել Աթենքի ինքնիշխանությունը հունական կղզիների նկատմամբ
Քաղաքականություն
14.01.2025 | 21:28
Թուրքական ծայրահեղ աջ «Ազգայնական շարժում» կուսակցության առաջնորդ, Թուրքիայի նախագահ Ռեջեփ Թայիփ Էրդողանի քաղաքական դաշնակից Դևլեթ Բահչելին կրկին կասկածի տակ է դրել Հունաստանի ինքնիշխանությունն Էգեյան ծովի հարավ-արևելյան կղզիների նկատմամբ՝ վիճարկելով միջազգային օրենքների և համաձայնագրերի դրույթները, ինչպիսին է 1923 թվականի Լոզանի պայմանագիրը, գրում է հունական kathimerini-ն։
«Մենք չենք կարող մտածել Դոդեկանեսյան կզղիների մասին առանց Թուրքիայի։ Ծրագրի շրջանակում սպառազինությունը մարտահրավեր է Թուրքիայի համար և Էգեյան ծովը ներքաշում է լարվածության հորձանուտի մեջ: Էգեյան ծովի հակառակ ափին ագրեսիվ քաղաքականություն վարելը ոչ մի երկրի օգուտ չի բերի։ Թուրքիան երբեք չի հրաժարվի իր Կապույտ Հայրենիքից»,- ասել է Բահչելին իր կուսակցության խորհրդարանական խմբի նիստում։
Նա հայտարարել է, թե Դոդեկանեսյան կզղիները «յուրացրել և խլել են» Թուրքիայից՝ Աթենքին զգուշացնելով «հետևել սեփական քայլերին»։
«Հունաստանի գործողությունների հետևանքները ծանր կլինեն։ Պետությունների միջև մշտական բարեկամություն կամ թշնամություն չկա»,- հայտարարել է Էրդողանի դաշնակիցը։
Թարգմանությունը՝ Էմմա Չոբանյանի
