14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
ՍԴ կկարողանան դիմել նաև քաղաքացիները, եթե այս փոփոխությունն ընդունվի. Դավիթ Հակոբյան․ ՏԵՍԱՆՅՈՒԹ
Հասարակություն
24.02.2023 | 17:35
Մեկնարկել է սահմանադրական բարեփոխումների խորհրդի նիստը։
«Վերջերս միջազգային վեհաժողովներից մեկում, որպես 21-րդ դարի սահմանադրական փոփոխությունների վատագույն օրինակ, հետքայլ, նշվեց ՀՀ Սահմանադրության մեջ սոցիալ-տնտեսական-մշակութային իրավունքներն այլևս որպես մարդու հիմնարար իրավունք չդիտարկելը։
Մեր հիմնական առաջարկը վերաբերում է նրան, որ Սահմանադրական բարեփոխումների հայեցակարգում Սահմանադրության 3-րդ գլխում ամրագրված այդ իրավունքները բերվեն 2-րդ գլուխ և դիտարկվեն որպես մարդու հիմնարար իրավունքներ։ Սահմանադրության 2-րդ գլուխն ունի անմիջական կիրառություն»,- այս մասին նշեց իրավաբան Դավիթ Հակոբյանը՝ ներկայացնելով, թե ինչ իրավական հետևանքներ ունեցավ այդ իրավունքների որպես հիմնարար իրավունք լինելը դադարեցնելը։
Նշենք, որ սոցիալ-տնտեսական-մշակութային իրավունքները 2-դ գլխից հանվել են 2015թ․ սահմանադրական փոփոխությունների ժամանակ։
«Այդ իրավունքներից մեր քաղաքացիներին զրկելը արդեն իսկ սահմանադրական բարեփոխումները դարձնում են անբարո»,- նշեց Հակոբյանը։
Իրավաբանի խոսքով՝ եթե այս փոփոխությունն ընդունվի, սոցիալ-տնտեսական-մշակութային իրավունքների հարցով ՍԴ կկարողանան դիմել նաև քաղաքացիները և ՄԻՊ-ը։
Մանրամասները՝ տեսանյութում։
