27.03.2026 | 13:56
Հայաստանի ԶՈՒ ֆուտբոլի հավաքականը մասնակցել է Զինվորականների համաշխարհային խաղերի որակավորման փուլին
Էլինա Ավանեսյանը պարտվեց Ավստրալիայի բաց առաջնության մեկնարկում
14.01.2025 | 15:55
Պրոֆեսիոնալ թենիսիստ Էլինա Ավանեսյանը պարտություն կրեց Ավստրալիայի բաց առաջնության առաջին շրջանում:
«Արմենպրես»-ի հաղորդմամբ` «Մեծ սաղավարտի» տարվա առաջին մրցաշարի կանանց մենախաղի մեկնարկում Էլինա Ավանեսյանը մրցեց աշխարհի 23-րդ ռակետ, ղազախ Յուլիա Պուտինցևայի հետ: Մոտ 2 ժամ ձգված մրցախաղում Ավանեսյանը զիջեց երեք սեթում` 4:6, 7:5, 6:2 հաշվով:
Ավստրալիայի բաց առաջնությունը մեկնարկել է հունվարի 12-ին և կեզրափակվի հունվարի 26-ին: Թենիսի «Մեծ սաղավարտ»-ի տարվա առաջին մրցաշարի` Ավստրալիայի բաց առաջնության տղամարդկանց մենախաղի գործող չեմպիոնը Իտալիան ներկայացնող Յանիկ Սիններն է, կանանցը` բելառուս Արինա Սաբալենկան: Կանանց մենախաղի եզրափակիչը նախատեսված է հունվարի 25-ին, իսկ տղամարդկանցը` հունվարի 26-ին: Ավստրալիայի բաց առաջնության տղամարդկանց ամենատիտղոսակիր թենիսիստը սերբ Նովակ Զոկովիչն է, ով 10 անգամ տիրացել է մրցաշարի գավաթին: Կանանց մրցաշարում ամենատիտղոսակիրը Մարգարետ Կորտն է (11 անգամ):
