08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հունվարի 17-ին Կրեմլում Պուտին-Փեզեշքիան բանակցություններ կանցկացվեն․ կստորագրվի ռազմավարական գործընկերության համաձայնագիր
Քաղաքականություն
14.01.2025 | 15:29
ՌԴ նախագահ Վլադիմիր Պուտինի և Իրանի նախագահ Մասուդ Փեզեշքիանի բանակցությունները, որոնք նախատեսված են հունվարի 17-ին, տեղի կունենան Կրեմլում։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
Նրա խոսքով՝ Իրանի նախագահի՝ Մոսկվա կատարելիք այցի շատ կարևոր բաղադրիչը կլինի երկու երկրների միջև Համապարփակ ռազմավարական գործընկերության համաձայնագրի ստորագրումը։
«Միակ բանը, որ կարող եմ հաստատել, այն է, որ այս համաձայնագրի ստորագրումը պարոն Փեզեշքիանի այցի շատ կարևոր բաղադրիչ է։ Սա շատ կարևոր իրադարձություն է մեզ համար։ Ղեկավարները նաև հայտարարություններ կանեն լրատվամիջոցների համար»,- ասել է Կրեմլի ներկայացուցիչը։
Թարգմանությունը՝ Էմմա Չոբանյանի
