07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Բորելը ԵՄ երկրներին խնդրում է արագացնել Ուկրաինային զենքի մատակարարումները
Քաղաքականություն
22.02.2023 | 18:42
ԵՄ արտաքին գործերի և անվտանգության քաղաքականության հարցերի բարձր ներկայացուցիչ Ժոզեպ Բորելը կոչ է արել միության երկրներին արագացնել զենքի մատակարարումն Ուկրաինային՝ դա համարելով ծայրահեղ կարևոր և հրատապ, գրում է BBC-ի ռուսական ծառայությունը։
Նա նաև նշել է, որ ԵՄ-ն դիտարկում է Կիևի համար զենքի միասնական գնումները և քննարկում եվրոպական պաշտպանական արդյունաբերության արտադրական կարողությունների մեծացման ուղիները։
Սպասվում է, որ ուկրաինական նոր հարձակումը կարող է սկսվել գարնան կեսերին, բայց դեռ պարզ չէ, թե որքան մասշտաբային կլինի այն. դրա հաջողությունը մեծապես կախված է արևմտյան երկրների կողմից Կիևին տրամադրվող զենքի ծավալից, բայց դրանք հիմա այնքան էլ մեծ չեն։
«Բոլորիդ կոչ եմ անում արագացնել զինամթերքի մատակարարումները, որոնք կարող եք տրամադրել ձեր պահուստներից։ Ուկրաինայի ապագայի հարցն է»,- ասել է Բորելը։
Ըստ բրիտանական Guardian-ի՝ ԵՄ ղեկավարությունը ցանկանում է հասնել կոնկրետ քայլերի ուկրաինական հարցում Ստոկհոլմում պաշտպանական գերատեսչությունների ղեկավարների հանդիպումից առաջ, որը նախատեսված է մարտի 7-8-ը։
Էմմա Չոբանյան
