09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
Բելգորոդի մարզի իշխանությունները հայտնել են ռմբակոծության մասին
Քաղաքականություն
22.02.2023 | 18:15
ՌԴ Բելգորոդի մարզի նահանգապետ Վյաչեսլավ Գլադկովը հայտնել է, որ Ուկրաինայի սահմանի մոտ գտնվող Շեբեկինո քաղաքում տեղի ունեցած պայթյունի հետևանքով մեկ մարդ վիրավորվել է, փոխանցում է BBC-ի ռուսական ծառայությունը։
«Արկերը դիպել են առևտրի կենտրոնին, ինչի հետևանքով այն բռնկվել է»,- գրել է Գլադկովը Telegram-ի իր ալիքում։
Պաշտոնյայի խոսքով՝ բեկորային վնասվածքներով մի տղամարդ տեղափոխվել է կենտրոնական շրջանային հիվանդանոց, նրա վիճակը գնահատվում է ծայրահեղ ծանր։
Փետրվարի 17-ին էլ Շեբեկինոյում, ըստ տեղի իշխանությունների, հրետակոծության հետևանքով վնասվել են շուկան, առևտրի կենտրոններ և վարսավիրանոց, իսկ տեղի բնակիչներից մեկը ծանր վիրավորվել է։
Տեղական իշխանությունները, առանց ապացույցներ ներկայացնելու, հարվածների համար ամեն անգամ պատասխանատվությունը բարդում են ուկրաինական կողմի վրա:
Կիևում կտրականապես հերքում են Ռուսաստանի տարածքը ռմբակոծելու մասին լուրերը։ Ռազմական փորձագետների կարծիքով՝ նման միջադեպերը պատահական են և գրեթե անխուսափելի՝ հաշվի առնելով մոտակայքում տեղի ունեցող ռազմական գործողությունների բնույթն ու ինտենսիվությունը։
Տաթև Ֆռանգյան
