16.08.2026 | 16:43
Ըմբիշներ Յուրիկ Պետրոսյանն ու Սամվել Տերտերյանը ԱԱ կիսաեզրափակչում են
Մենք չենք կարող մեր հոգին վաճառել, որպեսզի գազ կամ նավթ ունենանք․ Լյուքսեմբուրգի ԱԳ նախարար. ՏԵՍԱՆՅՈՒԹ
Քաղաքականություն
22.02.2023 | 15:55
ՀՀ ԱԳ նախարար Արարատ ՄԻրզոյանի և Լյուքսեմբուրգի Մեծ Դքսության արտաքին և եվրոպական գործերի նախարար Ժան Ասելբորնի՝ Երևանում այսօր կայացած համատեղ ասուլիսի ընթացքում Լյուքսեմբուրգի արտգործնախարարն անդրադարձավ դիտարկմանը, որ Ադրբեջանն ավտորիտար երկիր է, բայց Եվրոպան համաձայնել է գազ գնել Ադրբեջանից՝ լավ իմանալով, որ Եվրոպային վաճառվող ռեսուրսների զգալի մասը ձեռք է բերվելու երրորդ երկրից։
«Դուք գիտեք, որ անցած տարվա փետրվարի 24-ից ի վեր Եվրոպան նոր էներգետիկ աղբյուրների կարիք ունի աշխարհի այլ մասերից։ Ես ձեզ հետ համաձայն եմ, մենք չենք կարող մեր հոգին վաճառել, որպեսզի գազ կամ նավթ ունենանք։ Մենք պետք է ուշադրություն դարձնենք, եթե այլ ուղիներ, հնարավորություններ չունենք, որպեսզի չհայտնվենք աշխարհի այլ մասերից կախվածության մեջ, որտեղ մարդու իրավունքներն առաջնահերթություն չեն»,- նշեց Լյուքսեմբուրգի արտգործնախարարը։
Մանրամասները՝ տեսանյութում։
