25.11.2024 | 09:31
Փակ է «Ամբերդ»-ից Քարի լիճ տանող ճանապարհը
ՌԴ ԶՈւ-ում զինամթերքի առավելագույն խնայողության ռեժիմ է․ Մոսկվան փորձում է Իրանից 20 հազար արկ ներկրել․ ուկրաինացի պաշտոնյա
Քաղաքականություն
22.02.2023 | 18:00
Ռուսաստանն Իրանից արկերի փորձնական խմբաքանակ է բերել և այժմ փորձում է ներմուծել ևս մեկ խմբաքանակ՝ մոտ 20 հազար միավոր։ Այս մասին Forbes.Ukraine-ին տված հարցազրույցում ասել է Ուկրաինայի ՊՆ գլխավոր հետախուզական վարչության ղեկավար Կիրիլ Բուդանովը։
«Հյուսիսային Կորեայից հաստատված դեպքեր չկան: Իրանից փորձնական խմբաքանակ է ներկրվել, հիմա փորձում են ներմուծել ևս մեկ խմբաքանակ, այլևս փորձնական չէ՝ մոտ 20 հազար արկ է: Սա ոչինչ է օգտագործված թվերի համեմատ»,- նշել է նա:
Բուդանովի խոսքով՝ այժմ Ռուսաստանը հրետանային արկերի զանգվածային արտադրություն է սկսում, սակայն արդեն երկու ամիս է՝ Ուկրաինայում գործող ռուսական խմբավորումները զինամթերքի առավելագույն խնայողության ռեժիմի են անցել։
Միևնույն ժամանակ, Ուկրաինայի գլխավոր հետախուզական վարչության ղեկավարը վստահ է, որ Ռուսաստանը չի կարողանա զարգացնել արտադրություն, որը բավարար կլինի հրետանային պատերազմ վարելու համար։
«Քիչ թե շատ սովորական զինամթերքն այժմ օգտագործվում է բացառապես Բախմուտում և Լիմանսկի ուղղությամբ: Նրանք մի քանի անգամ փորձել են գրոհել Ուգլեդարը և կշարունակեն փորձել: Մնացած բոլոր տարածքներում զինամթերքի խնայողության ռեժիմ է»,- ասել է Բուդանովը։
Տաթև Ֆռանգյան
