14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ադրբեջանի և Թուրքիայի ԶՈՒ ինժեներական ստորաբաժանումները մարտական պատրասվածության համատեղ վարժանքներ են անցկացնում
Քաղաքականություն
22.02.2023 | 16:06
Ադրբեջանի ԶՈՒ ինժեներական ստորաբաժանումներում մարտական պատրաստվածության պարապմունքներ են անցկացվում՝ 2023 թվականի պլանի համաձայն, գրում են ադրբեջանական լրատվամիջոցները։
Նշվում է, որ ադրբեջանական բանակի և Թուրքիայի զինված ուժերի ինժեներական զորքերի մասնակցությամբ հատուկ նշանակված ինժեներական ճամբարում անցկացվող զորավարժությունների ընթացքում սակրավորները գործնականում տարածքի հետախուզման, ականների և չպայթած զինամթերքի հայտնաբերման առաջադրանքներ ականորսիչների օգնությամբ, դրանց չեզոքացման և այլ առաջադրանքներ են կատարում:
«Դասընթացների հիմնական նպատակն է՝ կատարելագործել ինժեներական ապահովում իրականացնող զինվորականների մասնագիտական մակարդակը և մարտական պատրաստության հմտությունները, ինչպես նաև ծառայության մեջ ժամանակակից ինժեներական սարքավորումների արդյունավետ օգտագործման հմտությունները»,- ասվում է Ադրբեջանի ՊՆ հաղորդագրության մեջ։
Էմմա Չոբանյան
