09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Մեդվեդևը հայտարարել է միջուկային զենքով պաշտպանվելու՝ ՌԴ-ի իրավունքի մասին
Քաղաքականություն
22.02.2023 | 17:09
Եթե ԱՄՆ-ը ցանկանում է հաղթել Ռուսաստանին, ապա Մոսկվան իրավունք ունի պաշտպանվել ցանկացած զենքով, այդ թվում՝ միջուկային զենքով։ Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը, գրում է RBC-ն։
Նա մեջբերել է նախագահ Վլադիմիր Պուտինի խոսքերը, որն ասել է, որ «ռազմի դաշտում հնարավոր չէ հաղթել Ռուսաստանին»։
«Հենց սրանով է պայմանավորված Ռազմավարական սպառազինությունների կրճատման պայմանագրի կասեցումը։ Թող իրականության հետ կապը կորցրած ԱՄՆ-ի էլիտան մտածի այն մասին, թե ինչի են հասել։ Կհետևենք նաև ՆԱՏՕ-ի անդամ մյուս միջուկային տերությունների՝ Ֆրանսիայի և Մեծ Բրիտանիայի արձագանքին։ Նրանց ռազմավարական միջուկային ուժերը սովորաբար ներառված չեն եղել միջուկային մարտագլխիկների և կրիչների հաշվեկշռում ԱՄՆ-ի և ԽՍՀՄ-ի (Ռուսաստանի) միջև համաձայնագրերի պատրաստման ժամանակ, սակայն ժամանակն է դա անելու»,- գրել է նա իր Telegram-ալիքում։
Հիշեցնենք, որ Դաշնային խորհրդին իր ուղերձում Պուտինը հայտարարել է, որ Ռուսաստանը կասեցնում է ԱՄՆ-ի հետ միջուկային զենքի փոխադարձ վերահսկողության՝ Ռազմավարական հարձակողական սպառազինությունների մասին պայմանագիրը։
Տաթև Ֆռանգյան
