Նույնիսկ Վովա Գասպարյանի օրոք խոշտանգումները ոստիկանությունում այսքան չէին խրախուսվում․ Դանիել Իոաննիսյան. ՏԵՍԱՆՅՈՒԹ

Լուրեր

19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ՀՀ-ՌԴ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
Բոլորը

Factor TV–ի հարցազրույցը «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի հետ

-Օրերս Պարեկային ծառայության պետ Արթուր Ումրշատյանն ազատվել է պաշտոնից՝ «Համեր»-ի վարորդի և պարեկների միջև տեղի ունեցած հայտնի դեպքից հետո։ Ո՞րն է եղել նրա հեռացման իրական պատճառը։

-Հեռացման ոչ մի պատճառ չի բերվում, բայց այդ միջադեպն առիթ էր։ Իրական պատճատն այն էր, որ Ումրշատյանը չէր կիսում Ոստիկանության համակարգի վատ ավանդույթները, այսինքն՝ այն, որ խնամի-ծանոթ-բարեկամ համակարգով, անհասկանալի ձևերով չի կարելի նշանակել մարդկանց պաշտոնի, կոչումներ տալ, կամ որ ինչ-որ վարորդներ արտոնյալ են։ Ումրշատյանը և, մեծ հաշվով, նաև Պարեկային ծառայությունը Ոստիկանության այս ավանդույթները չեն կիսում։

-Բայց տարօրինակ է այդպիսի վարքագծի դեպքում նրան հեռացնելը։

-Տարօրինակ չէ։ Տարօրինակն այն է, որ ունեինք Ոստիկանության և ՆԳՆ ղեկավար, որ այդ ավանդութները կիսում էր։ Տարօրինակն այն է, որ վարչապետը չի ընդունում այդ ավանդույթները, բայց նշանակում է մի մարդու, ով ընդունում է դրանք․․․ Եղել են դեպքեր, երբ վարորդական իրավունքից զրկվել են բարձրաստիճան պաշտոնյաներ: Այս դեպքերում երևում էր, որ վարչապետն այդ մոտեցման կողմնակից է։ Դիսոնանսն այստեղ է․․․

-Ի՞նչ հակասություններ կային ՆԳՆ ղեկավար Վահե Ղազարյանի և Ումրշատյանը միջև։

-Հիմնական հակասությունն այն է, որ արժեքային տարբեր տեղերում էին այդ երկու սպաները։

–Փաշինյանը վերջերս հայտարարեց, որ  կան ոլորտներ, կառույցներ, որոնց հեղափոխությունից հետո փորձել են ձեռք չտալ, քանի որ համարել են, որ դրանք կայացած են։ Խոսքը, ամենայն հավանականությամբ, ԱԱԾ-ի, բանակի մասին էր։ Ոստիկանությունը մտնո՞ւմ էր այդ կառույցների մեջ։

-Այն ժամանակ Փաշինյանին թվում էր, որ Ոստիկանությունում ինչ-որ բաներ փոխում են, բայց խորքային առումով, բացի Պարեկային ծառայությունից, Ոստիկանության փոփոխությունները միայն դեպի վատն են։ Արձանագրենք, որ վերջին տարիներին, տարեցտարի Ոստիկանության բացահայտումների օբյեկտիվ ցուցանիշները վատթարացել են․ տարբեր հանցագործությունների դեպքերի քանի՞ տոկոսն է հասնում դատարան․ թիվը փոքրացել է, մեքենաների վրայից ավտոպահեստամասերի գողության վիճակագրությամբ, եթե նախկինում 15 տոկոս էր կազմում, հիմա նվազել է, հասել 2 տոկոսի, սպանությունները՝ 27 տոկոսի, գողությունները՝ 11 տոկոսի։ Այս ցածր ցուցանիշները վկայում են այն մասին, որ Ոստիկանությունում վատթարանում է վիճակը։ Եթե խոսենք մարդու իրավունքների մասին, ապա ունենք իրավիճակ, երբ բաժնում փաստաբաններ են խոշտանգում․ սա աննախադեպ է․․․ Սա հետևանք է այն բանի, որ խոշտանգողները և խոշտանգման մեթոդները Ոստիկանության համակարգում խրախուսվում են։ Եվս մեկ դեպք՝ տեսախցիկը ֆիքսել է, որ գործող ոստիկանը պարեկին հարվածում է․ սա է խրախուսում Ոստիկանությունը։

Հարցազրույցն ամբողջությամբ՝ տեսանյութում։

Ռոբերտ Անանյան