27.06.2026 | 11:33
Արտարժույթների փոխարժեքները՝ հունիսի 27-ի դրությամբ
Մոլդովան նախատեսում է մինչև տարեվերջ սկսել ԵՄ-ին անդամակցության շուրջ բանակցությունները
Քաղաքականություն
20.02.2023 | 17:40
Մոլդովայի խորհրդարանի նախագահ Իգոր Գրոսուն հայտնել է, որ Մոլդովան մտադիր է ԵՄ-ին անդամակցելու շուրջ բանակցությունները սկսել մինչև այս տարեվերջ։ Այս մասին նա ասել է փետրվարի 20-ին Քիշնևում «Եվրանեսթ»-ի խորհրդարանական վեհաժողովի 10-րդ նստաշրջանի պաշտոնական բացման ժամանակ, փոխանցում է Korrespondent-ը։
«2023 թվականին մենք ցանկանում ենք անցնել Եվրամիությանն ինտեգրման հաջորդ փուլին, իսկ տարեվերջին արդեն ցանկանում ենք սկսել անդամակցության բանակցությունները»,- ասել է նա։
Գրոսուի խոսքով՝ կարևոր է «չենթարկվել Քիշնևին շանտաժի ենթարկել ցանկացողների սադրանքներին, այդ թվում՝ զենքի կիրառմամբ»։
«Մենք պետք է գործենք միասին, և ԵՄ-ի մեր ընկերների, ԱՄՆ-ի ու այլ գործընկերների օգնությամբ անպայման կհասնենք մեր նպատակներին։ Մենք հանդես ենք գալիս Եվրոպայում խաղաղության և ազատության օգտին»,- ասել է Մոլդովայի խորհրդարանի նախագահը։
Ավելի վաղ հաղորդվել էր, որ Մոլդովայի իշխանությունները հանրաքվե են կազմակերպելու՝ կապված Եվրամիությանը Քիշնևի անդամակցության հետ։
Տաթև Ֆռանգյան
