27.06.2026 | 17:23
Իշխան Զաքարյանի հետ հաշտության համաձայնությունը հաստատվել է. պետությանը կվերադարձվի 304,5 մլն դրամ
Հայ փրկարարները Թուրքիայում երեք քաղաքացու են փրկել․ ՏԵՍԱՆՅՈՒԹ
Հասարակություն
20.02.2023 | 12:42
Հայ փրկարարները Թուրքիայում փլատակների տակից հանել և փրկել են երեք քաղաքացու։ Այս մասին այսօր հրավիրված ասուլիսում տեղեկացրեց Ճգնաժամային կառավարման ազգային կենտրոնի օպերատիվ հերթափոխի պետ, փրկարարական ծառայության փոխգնդապետ Հարի Արղամանյանը։
Նրա խոսքով՝ փետրվարի 6-ի ավերիչ երկրաշարժից հետո Թուրքիան և Սիրիան դիմել են ՄԱԿ հումանիտար օգնության համար։ Փետրվարի 7-ին ՀՀ կառավարությունը որոշում է կայացրել որոնողափրկարարական թիմեր ուղարկել երկու երկրներ։ Փետրվարի 8-ին 27 և 29 մարդուց բաղկացած խմբերը (բժիշկներ, կինոլոգներ, ճառագայթային և քիմիա-կենսաբանական մոնիթորինգի մասնագետներ) մեկնել են օգնության։ Թիմերը տեղակայվել են Ադըյամանում (Թուրքիա) և Հալեպում (Սիրիա)։
«Մեկ շաբաթվա ընթացքում հայ փրկարարները Թուրքիայում փրկել են երեք տուժածի։ Երկու երկրներում փլատակների տակից հանել են 20 մարմին։ Հալեպում փրկարար աշխատանքներին զուգահեռ հայ համայնքի ներկայացուցիչներին ուսուցանվել է, թե ինչպես պահեն իրենց երկրաշարժի ժամանակ։
Փրկարար խմբերը փետրվարի 14-ին վերադարձել են Հայաստան, Սիրիայից՝ ինքնաթիռով, Թուրքիայից՝ ավտոմեքենայով։ Թուրքիայում աշխատել է 74 խումբ 40 երկրներից։ Սիրիայում՝ 8 թիմ 5 երկրից։ Վերջին տվյալներով՝ երկու երկրներում զոհերի թիվը գերազանցել է 50 հազարը»,- հայտնեց Արղամանյանը։
Մանրամասները՝ տեսանյութում։
