16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
Ուզում են կապիտանին արդարացնել․ ՏԵՍԱՆՅՈՒԹ
Հասարակություն
20.02.2023 | 11:56
ՀՀ կառավարության շենքի առջև բողոքի ակցիա են իրականացնում հունվարի 19-ին Ազատ գյուղի զորամասի կացարանում մահացած 15 զինծառայողների ծնողները։
Նրանք պահանջում հանդիպում վարչապետ Նիկոլ Փաշինյանի և պաշտպանության նախարար Սուրեն Պապիկյանի հետ։
Մահացած զինծառայողների ծնողները հրդեհից մեկ ամիս անց իրենց անհանգստացնող հարցերի պատասխանները չեն գտնում․ պաշտոնական վարկածին չեն հավատում։
«Ուզում են մեր երեխեքին մեղավոր դարձնել, որպեսզի կապիտան Եղիշե Հակոբյանին փրկեն։ Երևի կապիտանի հետ ինչ-որ պաշտոնավորներ էլի կապ ունեն, որ ուզում են կապիտանին փրկեն։
Սկզբում հիվանդանոցում հայտարարություն տարածվեց, որ կապիտանի արյան մեջ նարկոտիկ է եղել, լրատվամիջոցներն են գրել։ Էսօր ասում են՝ չկա նման։
Մինչև վերջ գնալու ենք՝ արտաշիրիմում, նմուշների կրկնակի փորձաքննություն, մինչև պատասխանը ստանանք»,-նշեց ծնողներից մեկը։
Հիշեցնենք՝ հունվարի 19-ին՝ ժամը 01:30-ի սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 ժամկետային զինծառայող, 7 զինծառայող տեղափոխվել է Վարդենիսի հոսպիտալ, նրանից չորսը բուժօգնություն ստանալուց հետո դուրս է գրվել, 3–ը՝ ծանր վնասվածքներով տեղափոխվել Երևան՝ Այրվածքաբանության ազգային կենտրոն:
Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարը և ևս 7 բարձրաստիճան զինվորականներ։
Հրդեհի դեպքի առնչությամբ նախաձեռնվել է քրեական վարույթ՝ ՀՀ ՔՕ 532-րդ հոդվածի 4-րդ մասով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու և ավելի անձի մահ)։
Մանրամասները՝ տեսանյութում։
