08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայի ՊՆ ղեկավարը հայտնել է երկրաշարժի հետևանքով 100 զինծառայողի կորստի մասին
Քաղաքականություն
20.02.2023 | 17:58
Թուրքիայի պաշտպանության նախարար Հուլուսի Աքարը, որը եղել է երկրաշարժից տուժած Հաթայ նահանգում, CNN TÜRK-ի հետ զրույցում տեղեկություններ է հայտնել աղետի հետևանքով ԶՈՒ-ի կորուստների մասին։
«Այս պահին մեր երկու ընկերները դեռևս անհետ կորած են։ Կարծում ենք, որ նրանք փլատակների տակ են, նրանց գտնելու ուղղությամբ աշխատանքները շարունակում ենք՝ համաձայնեցնելով համապատասխան կառույցների և ստորաբաժանումների հետ։ Կորուստներ ունենք մեր ընկերներից, ցավոք, 100-ն են։ Ունենք վիրավորներ, որոնց համապատասխան օգնություն է ցուցաբերվում»,- ասել է Աքարը։
Թուրք պաշտոնյան հավելել է, որ երկրաշարժից հետո առաջին իսկ պահից ԶՈՒ-ն աջակցել է որոնողափրկարարական աշխատանքներին։
Հավելենք, որ փետրվարի 6-ին Թուրքիայում տեղի ունեցած ավերիչ երկրաշարժի զոհերի թիվը գերազանցել է 41,000-ը։
Էմմա Չոբանյան
