10.01.2025 | 23:14
ՊԵԿ նախագահն ընդունել է Հնդկաստանի դեսպանին
Գործադիրից ասել են` կընդունեն. Նորայր Նորիկյան․ ՏԵՍԱՆՅՈՒԹ
Հասարակություն
20.02.2023 | 10:19
Գեղարքունիքի մարզի Ազատ գյուղի զորամասի ինժեներասակրավորային վաշտի կացարանում հրդեհի հետևանքով մահացած 15 զինծառայողների ծնողներն այսօր բողոքի ակցիա են իրականացնում Կառավարության շենքի մոտ: Մինչ այդ նրանք փակել էին Պաշտպանության նախարարության շենքի մուտքերը։
Ծնողները պահանջում են հանդիպում վարչապետ Նիկոլ Փաշինյանի հետ, որպեսզի վերջինս ներկայացնի, թե որտեղից է ստացել այն տեղեկությունները, որոնց մասին հայտարարել է Կառավարության նսիտում։ Եվ ինչու են դրանից մեկ ամիս հետո տրամագծորեն հակառակ տեղեկություններ դրվել շրջանառության մեջ։ Ծնողները չեն վստահում դեպքի վերաբերյալ իրավապահների կողմից բարձրացվող վարկածներին։ Այս մասին լրագրողնրի հետ զրույցում նշեց ծնողների ներկայացուցիչ , փաստաբան Նորայր Նորիկյանը։
Նա նաև տեղեկացրեց, որ գրություններ է ուղարկել ՀՀ զինդատախազին և ՊՆ-ին՝ պահանջելով համատեղ հանդիպում ծնողների հետ, սակայն դեռևս պատասխան չի ստացել։
«Գործադիրից ասել են` կընդունեն յուրաքանչյուր ընտանիքից մեկ հոգու»- ասաց իրավապաշտպանը՝ հավելելով, որ դեռևս հայտնի չէ, թե ով է ընդունելու ակցիայի մասնակիցներին։
Հիշեցնենք՝ հունվարի 19-ին, ժամը 01:30-ի սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 ժամկետային զինծառայող, 7 զինծառայող տեղափոխվել է Վարդենիսի հոսպիտալ, նրանից չորսը բուժօգնություն ստանալուց հետո դուրս է գրվել, 3–ը՝ ծանր վնասվածքներով տեղափոխվել Երևան՝ Այրվածքաբանության ազգային կենտրոն:
Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարը և ևս 7 բարձրաստիճան զինվորականներ։
Հրդեհի դեպքի առնչությամբ նախաձեռնվել է քրեական վարույթ՝ ՀՀ ՔՕ 532-րդ հոդվածի 4-րդ մասով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու և ավելի անձի մահ)։
Մանրամասները՝ տեսանյութում։
