07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Մենք զգալի վնաս ենք հասցնում Ռուսաստանին․ Զելենսկի
Քաղաքականություն
20.02.2023 | 10:56
Ուկրաինայի նախագահ Վլադիմիր Զելենսկին հայտարարել է, որ ուկրաինացի զինվորականները «չափազանց զգալի» վնաս են հասցնում ռուսական ուժերին Ուգլեդարի շրջանում, գրում է VOA-ն։
«Իրավիճակը շատ ծանր է: Մենք պայքարում ենք: Մենք հաղթում ենք զավթիչներին և չափազանց զգալի վնաս ենք հասցնում Ռուսաստանին»,- ասել է Զելենսկին կիրակի երեկոյան տեսաուղերձում։
Նա նշել է Դոնբասի մի քանի քաղաքներ, որտեղ մարտերը շարունակվում են արդեն մի քանի ամիս՝ հավելելով, որ որքան շատ Ռուսաստանը կորցնի Դոնբասում՝ Բախմուտում, Ուգլեդարում, Մարինկայում, Կրեմեննայայում, «այնքան շուտ կարող ենք այս պատերազմն ավարտել Ուկրաինայի հաղթանակով»։
Ռազմական հրամանատարության ընդլայնված նիստից հետո Զելենսկին ուրվագծել է այլ ոլորտներում իրավիճակը։ Նրա խոսքով՝ «շատ լավ արդյունքներ» են ձեռք բերվել Ռուսաստանի և Բելառուսի հետ սահմանին, այն շրջաններում, որտեղ ուկրաինական զորքերը նախկինում հետ էին վերադարձրել նախկինում ռուսների կողմից գրավցած մի շարք քաղաքներ։
«Ես ցանկանում եմ, որ մեր ժողովուրդն այժմ ունենա կանխատեսելիություն և զգացողություն, որ Ուկրաինան շարժվում է դեպի իր նպատակները»,- ասել է Զելենսկին։
Տաթև Ֆռանգյան
