08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքուն Երևանին առաջարկել է հայ-ադրբեջանական սահմանին հսկիչ անցակետ ստեղծել
Քաղաքականություն
18.02.2023 | 19:40
Ադրբեջանի նախագահ Իլհամ Ալիևը հայտարարել է խաղաղության պայմանագրի հարցում Երևանի դիրքորոշման մեջ «տեղաշարժերի» առկայության մասին։
«Հանդիպումը լավ անցավ, կառուցողական։ Ես իմ դիրքորոշումն եմ հայտնել։ Քննարկվել են բազմաթիվ հարցեր։ այդ թվում ՝ Հայաստանի և Ադրբեջանի միջև խաղաղության պայմանագրի ստորագրումը։ Գլխավոր հարցն այն է, որ խաղաղության համաձայնագիրը պետք է կազմվի միջազգային նորմերի և սկզբունքների հիման վրա։ Երեք օր առաջ մենք նոր առաջարկներ ստացանք Հայաստանից։ Մենք ուսումնասիրում ենք դրանք: Առաջին հայացքից Հայաստանի դիրքորոշման մեջ տեղաշարժ կա, բայց դա բավարար չէ»,- «ՌԻԱ Նովոստի»-ի փոխանցմամբ՝ ասել է Ալիևը Մյունխենում Հայաստանի վարչապետ Նիկոլ Փաշինյանի և ԱՄՆ պետքարտուղար Էնթոնի Բլինքենի հետ եռակողմ հանդիպումից հետո ադրբեջանցի լրագրողների հետ զրույցում:
Բաքուն Երևանին առաջարկել է հայ-ադրբեջանական սահմանին հսկիչ անցակետ ստեղծել: Ադրբեջանի նախագահի խոսքով՝ Հայաստանը դեռ չի արձագանքել այդ առաջարկին։
«Եթե խոսենք սահմանի սահմանազատման մասին, ապա անցակետերը պետք է տեղադրվեն ինչպես «Զանգեզուրի միջանցքի» երկու ծայրերում, այնպես էլ Լաչինի և Հայաստանի սահմանին»,- ընդգծել է նա:
Հիշեցնենք՝ Մյունխենում ավարտվել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և ԱՄՆ պետքարտուղար Էնթոնի Բլինքենի հանդիպումը:
Փետրվարի 18-ին ՀՀ վարչապետը կմասնակցի նաև Հարավային Կովկասում անվտանգության թեմայով պանելային քննարկմանը, որին կմասնակցեն նաև Ադրբեջանի նախագահ Իլհամ Ալիևը, Վրաստանի վարչապետ Իրակլի Ղարիբաշվիլին և ԵԱՀԿ գլխավոր քարտուղար Հելգա Շմիդտը:
