14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Խաչիկ Ղազարյանը հակակոռուպցիոն դատարանի նախագահ է նշանակվել․ ՀՀ նախագահը ևս 3 դատավոր է նշանակել
Հասարակություն
17.02.2023 | 17:23
ՀՀ նախագահի աշխատակազմից տեղեկացնում են, որ ՀՀ նախագահ Վահագն Խաչատուրյանի հրամանագրերով դատավորներ են նշանակվել։
Ըստ այդմ՝
Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 7-րդ մասերը, ինչպես նաև Բարձրագույն դատական խորհրդի 2023 թվականի փետրվարի 13-ի ԲԴԽ-20-Ո-70 որոշմամբ ներկայացված առաջարկությունը.
Հակակոռուպցիոն դատարանի կոռուպցիոն հանցագործությունների վերաբերյալ վարույթներով մասնագիտացմամբ դատավոր Խաչիկ ՂԱԶԱՐՅԱՆԻՆ նշանակել հակակոռուպցիոն դատարանի նախագահ՝ երեք տարի ժամկետով:
Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2023 թվականի փետրվարի 13-ի ԲԴԽ-20-Ո-72 որոշմամբ ներկայացված առաջար-կությունը.
Երևան քաղաքի առաջին ատյանի ընդհանուր իրավասության քաղա-քացիական դատարանի դատավոր Աշոտ ՋԱՎԱԽՅԱՆԻՆ նշանակել սնանկության դատարանի դատավոր:
Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2023 թվականի փետրվարի 13-ի ԲԴԽ-20-Ո-71 որոշմամբ ներկայացված առաջար-կությունը.
Շիրակի մարզի առաջին ատյանի ընդհանուր իրավասության դատարանի դատավոր Գագիկ ՀՈՎՀԱՆՆԻՍՅԱՆԻՆ նշանակել սնանկության դատարանի դատավոր:
Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2023 թվականի փետրվարի 13-ի ԲԴԽ-20-Ո-68 որոշմամբ ներկայացված առաջարկությունը.
Շուշանիկ ՆԻԿՈՂՈՍՅԱՆԻՆ նշանակել Շիրակի մարզի առաջին ատյանի ընդհանուր իրավասության դատարանի դատավոր:
