08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ալիևը Մյունխենում հայտարարել է, թե Ադրբեջանը կշարունակի կարևոր դեր խաղալ Եվրոպայի էներգետիկ անվտանգության գործում
Քաղաքականություն
17.02.2023 | 18:07
Ադրբեջանի նախագահ Իլհամ Ալիևը Մյունխենում անցկացվող անվտանգության համաժողովի շրջանակում մասնակցել է «Խողովակաշարային երազանքներ. ապագայի էներգետիկ անվտանգություն» թեմայով կլոր սեղանին, գրում են ադրբեջանական լրատվականները։
Ալիևը, մասնավորապես, նշել է, որ վերականգնվող էներգիան առանձնահատուկ դեր է խաղում Ադրբեջանի և Եվրամիության համագործակցության հարցում, և վերջերս Բաքուն մի շարք կարևոր քայլեր է ձեռնարկել այս ոլորտում։ Նա ասել է, թե Ադրբեջանում այդ ուղղությամբ մի շարք նախագծեր են իրականացվում, ստորագրվել են տարբեր փաստաթղթեր՝ կապված մինչև 25 գՎտ էլեկտրաէներգիայի արտադրության հետ, ուշադրություն է հրավիրել այն փաստի վրա, որ դա պայմաններ կստեղծի ոչ միայն Ադրբեջանում արտադրվող կանաչ էներգիայի ներքին սպառման, այլև Եվրոպա արտահանման համար, որը կնպաստի Եվրոպայի էներգետիկ անվտանգությանը միջնաժամկետ և երկարաժամկետ հեռանկարում։
Իլհամ Ալիևը նաև հավելել է, որ Ադրբեջանը հետագայում էլ շարունակելու է կարևոր դեր խաղալ Եվրոպայի էներգետիկ անվտանգության գործում։
Էմմա Չոբանյան
