16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
Երկրաշարժի պատճառով Անկարան հետաձգել է Անթալիայի դիվանագիտական ֆորումը
Քաղաքականություն
17.02.2023 | 17:01
Անթալիայի դիվանագիտության ֆորումը (ADF) հետաձգվել է մինչև տարվա վերջին եռամսյակ՝ Թուրքիայի հարավում տեղի ունեցած հզոր երկրաշարժերի պատճառով, գրում է Hurriyet Daily news-ը։
Նշվում է, որ այս տարվա ֆորումը, որը «դարձել է արդյունավետ հարթակ, որը նպաստում է խաղաղ երկխոսությանը և կարճ ժամանակում համակողմանիորեն քննարկում է գլոբալ և տարածաշրջանային խնդիրները», նախատեսված էր մարտի 10-12-ը՝ «Արդյունավետ դիվանագիտություն հանուն խաղաղության և կարգի» թեմայով։
ADF-ն շնորհակալություն է հայտնել համաշխարհային առաջնորդներին, արտաքին գործերի նախարարներին, փորձագետներին, դիվանագետներին և գիտնականներին, ովքեր մինչ այժմ հաստատել են իրենց մասնակցությունը ADF2023-ին:
Հայտարարությունում, սակայն, հիշեցում կա, որ փետրվարի 6-ին Թուրքիայում երկու երկրաշարժ է տեղի ունեցել:
«Այժմ ժամանակն է, որ Թուրքիան օգնի աղետից տուժածներին և վերակառուցի տարածաշրջանը։ Ստեղծված պայմաններում անհրաժեշտություն է առաջացել ADF-2023-ը տեղափոխել այս տարվա վերջին եռամսյակ»,- ասվում է հաղորդագրության մեջ։
Էմմա Չոբանյան
