15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
Չինաստանի իշխանությունը հայտարարել է COVID-19-ի դեմ հաղթանակի մասին
Քաղաքականություն
17.02.2023 | 21:43
Չինաստանի իշխանությունը հայտարարել է «մեծ և վճռական հաղթանակի» մասին կորոնավիրուսի դեմ պայքարում։ Փետրվարի 17-ին Կոմունիստական կուսակցության Կենտրոնական կոմիտեի քաղբյուրոյի մշտական հանձնաժողովի նիստից հետո հրապարակված հայտարարության մեջ ասվում է, որ նոյեմբերից Չինաստանը համեմատաբար կարճ ժամանակում «անթերի անցում է կատարել» համաճարակից նորմալ կյանքի։ Նիստը վարել է Չինաստանի նախագահ Սի Ցզինպինը։
«Պրակտիկան ապացուցել է, որ Կենտրոնական կոմիտեն ճիշտ որոշումներ և ռազմավարական շտկումներ է ընդունել համաճարակի հետ կապված իրավիճակի գնահատման հարցում»,- ասվում է փաստաթղթում, փոխանցում է DW-ի ռուսական ծառայությունը։
Ըստ Չինաստանի պետական լրատվամիջոցների՝ կորոնավիրուսային համաճարակի ժամանակ երկրում ավելի քան 200 միլիոն վարակված մարդ օգտվել է բժշկական օգնությունից, մոտ 800,000 ծանր հիվանդներ բուժվել են, սրա հետ մեկտեղ, «Չինաստանում COVID-19-ից մահացությունը ամենացածրն է եղել աշխարհում»։
«Չինաստանը մարդկության պատմության մեջ հրաշք է գործել»,- գրել է «Սինհուա» լրատվական գործակալությունը՝ նշելով, որ Չինաստանում իրավիճակի բարելավման հետ մեկտեղ՝ վիրուսը շարունակում է տարածվել և մուտացիայի ենթարկվել աշխարհի այլ տարածաշրջաններում։
Միաժամանակ, Կոմկուսի քաղբյուրոն Չինաստանի 1,4 միլիարդանոց բնակչությանը զգոնության կոչ է արել։ Տեղական իշխանություններին հանձնարարված է ամրապնդել առողջապահական համակարգը և հիմնվել «դժվարությամբ ձեռք բերված ձեռքբերումների վրա»: Քաղբյուրոն որոշել է արագացնել նաև տարեց բնակչության պատվաստումը։
Տաթև Ֆռանգյան
