08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուս-ադրբեջանական դաշնակցային փոխգործության հռչակագիրը պատմական փաստաթուղթ է․ ՌԴ ԱԳՆ
Քաղաքականություն
17.02.2023 | 16:53
ՌԴ ԱԳՆ-ն ռուս-ադրբեջանական դաշնակցային փոխգործակցության մասին հռչակագիրը պատմական փաստաթուղթ է համարում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովա իր ամենշաբաթյա ճեպազրույցում։
«Ռուսաստանի և Ադրբեջանի միջև դաշնակցային համագործակցության մասին 2022 թվականի փետրվարին ստորագրված հռչակագիրը, իհարկե, պատմական փաստաթուղթ է՝ առանց որևէ չափազանցության»,- հայտարարել է ՌԴ ԱԳՆ խոսնակը։
Զախարովայի խոսքով՝ ռուս-ադրբեջանական հարաբերությունները նաև կայունացման գործոն են տարածաշրջանային խնդիրների առումով։
«Այն ամրագրել է մեր երկրների հարաբերությունների նոր որակը, բացահայտվել են գալիք տարիների բոլոր հիմնական ոլորտներում համագործակցության զարգացման հիմնական ուղենիշները: Ռուսաստանի և Ադրբեջանի միջև դաշնակցային հարաբերությունները կայունացնող գործոն են ինչպես տարածաշրջանային, այնպես էլ միջազգային ասպարեզում։ Բաքվի հետ միասին մենք աշխատում ենք դրա դրույթների իրականացման վրա, իսկ Հռչակագրի ստորագրման տարեդարձի կապակցությամբ մի շարք միջոցառումներ իսկապես նախատեսված են»,- ասել է Մարիա Զախարովան։
Տաթև Ֆռանգյան
