08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Տիկի՛ն Վարդապետյան, Դուք պատասխանատվություն զգո՞ւմ եք. Նինա Կարապետյանցը դիմեց Գլխավոր դատախազին․ ՏԵՍԱՆՅՈՒԹ
Հասարակություն
17.02.2023 | 11:33
«Ոչ մարտական պայմաններում մահացած (սպանված) զինծառայողների գործերի տապալումը համակարգային կոռուպցիայի հետևանք է»,- «Ովքե՞ր և ինչո՞ւ են խոչընդոտում ոչ մարտական պայմաններում մահացած (սպանված) զինծառայողների գործերի բացահայտմանը» թեմայով ասուլիսում այս կարծիքը հայտնեց Հելսինկյան ասոցիացիա իրավապաշտպան ՀԿ նախագահ, իրավապաշտպան Նինա Կարապետյանցը։
Իրվապաշտպանը հիշեցրեց, որ 2020թ․ փետրվարի 17-ին վարչապետ Նիկոլ Փաշինյանն ընդունել է ոչ մարտական պայմաններում մահացած (սպանված) զինծառայողների մայրերին և խոստացել, որ հատուկ հանձնաժողով է ստեղծվելու, որը քննելու է այդ գործերը։ Այդ հանձնաժողովը ստեղծվել է, որի աշխատանքները ղեկավարել է Գլխավոր դատախազ Աննա Վարդապետյանը։
«Ե՛վ Փաշինյանը, և՛ Վարդապետյանը մանրամասն տեղյակ են այս գործերում առկա տվյալների մասին,-նշեց Կարապետյանցը,- հիմա հարց է առաջանում, եթե նախկինում այս գործերի չբացահայտվելը համակարգային կոռուպցիայի հետևանք է համարվել, ապա հիմա այդ գործերը չլսելն ի՞նչ է նշանակում, գուցե այնուամենայնիվ համակարգային կոռուպցիայի մասի՞ն է խոսքը ։
Շարունակաբար ավելի բարձր պաշտոնների են նշանակվում մարդիկ, ովքեր նախկինում ոչ թե մանր – մունր թերացումներ են ունեցել, այլ հանցագործություններ են գործել»։
«Տիկի՛ն Վարդապետյան, Դուք պատասխանատվություն զգո՞ւմ եք, թե՞ չէ․ ավելի լավ, քան դուք, որևէ մեկը չի տիրապետում այս գործեիրին» – դիմելով Գլխավոր դատախազին՝ հարց հնչեցրեց Նինա Կարապետյանցը։
Մանրամասները՝ տեսանյութում։
