16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Մոլդովայում՝ Ուկրաինայի հետ սահմանին, հրթիռի բեկորներ են հայտնաբերվել
Քաղաքականություն
16.02.2023 | 18:13
Մոլդովայի սահմանապահ ոստիկանության պարեկը Ուկրաինայի հետ սահմանակից Բրիչենի շրջանում հրթիռի բեկորներ է հայտնաբերել։ Այս մասին հայտնում է Մոլդովայի ՆԳՆ-ն։ Ո՞ւմ է պատկանում հրթիռը՝ գործակալությունը չի հստակեցրել։
Մոլդովան արդեն չորրորդ անգամ է հայտնում նմանատիպ դեպքի մասին, գրում է Կոմերսանտը։
«Սահմանային ոստիկանության պարեկը Լարգա (Բրիչանի շրջան) բնակավայրի մոտ հայտնաբերել է հրթիռի բեկորներ, որոնք հայտնվել են Ռուսաստանի և Ուկրաինայի վրա օդային հարձակումների հետևանքով»,- ասվում է երկրի ՆԳՆ-ի Telegram-ալիքի հաղորդագրությունում։
Տարածքը, որտեղ հայտնաբերվել են բեկորները, շրջափակված է։
Մինչ այս, Մոլդովան երեք անգամ հայտնել էր երկրի տարածքում հրթիռի բեկորների անկման մասին։ 2022 թվականի հոկտեմբերի 31-ին բեկորները հայտնաբերվել էին Վիննիցայի շրջանի սահմանամերձ բնակավայրերից մեկում, նույն թվականի դեկտեմբերի 5-ին Մոլդովայի սահմանապահ ծառայությունը Բրիչենի մոտ հայտնաբերել էր չպայթած հրթիռ։ Նման դեպք է տեղի ունեցել հունվարի 14-ին Բրիչենի թաղամասում։
Մոլդովայի ՆԳ նախարարությունը եկել է եզրակացության, որ բեկորները պատկանում են ուկրաինական հակաօդային պաշտպանության համակարգի մաս կազմող С-300 համալիրից արձակված հրթիռներին։
Տաթև Ֆռանգյան
