05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
ԵՏՄ-ն և Չինաստանը պայմանավորվել են պարզեցնել առևտուրը և արագացնել բեռնափոխադրումները
Քաղաքականություն
16.02.2023 | 20:58
ԵՏՄ երկրների և Չինաստանի միջև առևտրատնտեսական համագործակցության ընդլայնման և հագեցման ճանապարհային քարտեզ է ստորագրվել։ Այս մասին հայտնել է Եվրասիական տնտեսական հանձնաժողովի (ԵՏՀ) մամուլի ծառայությունը։
Փաստաթուղթը ստորագրվել է Առևտրատնտեսական համագործակցության համաձայնագրի կատարման համատեղ հանձնաժողովի նիստի ընթացքում։ Հանդիպումն անցկացվել է հինգշաբթի տեսակոնֆերանսի ձևաչափով՝ ԵՏՀ առևտրի հարցերով կոլեգիայի անդամ (նախարար) Անդրեյ Սլեպնևի և Չինաստանի առևտրի փոխնախարար Լի Ֆեի նախագահությամբ։
ԵՏՀ հաղորդագրության մեջ նշվում է, որ փաստաթուղթը ներառում է երեք բաժին՝ տրանսպորտային միջանցքների թվայնացում, արտաքին առևտրի քաղաքականության հարցերի շուրջ երկխոսություն և ԵՏՄ-ի ու Չինաստանի միջև համագործակցության խորացման տարբեր սցենարների ազդեցության վերաբերյալ համատեղ գիտական ուսումնասիրություն։
«Առաջին բաժնի գործունեությունը ենթադրում է կողմերի փուլային անցում բեռների երկաթուղային փոխադրումների համար փաստաթղթերի փոխանակման էլեկտրոնային ձևին՝ էլեկտրոնային թվային ստորագրությունների կիրառմամբ։ Վստահ եմ, որ դա զգալիորեն կհեշտացնի առևտրային ընթացակարգերը և կարագացնի ապրանքների փոխադրումը մեր երկրների միջև»,- այս առնչությամբ ասել է Անդրեյ Սլեպնևը։
Տաթև Ֆռանգյան
