13.09.2026 | 14:32
Մոլդովական փողոցում խոտածածկույթի հրդեհ է բռնկվել, առկա էր տարածման վտանգ
Չավուշօղլուն ու Բայրամովը քննարկել են տարածաշրջանում իրավիճակը
Քաղաքականություն
16.02.2023 | 17:15
Ադրբեջանի և Թուրքիայի արտաքին գործերի նախարարներ Ջեյհուն Բայրամովը և Մևլութ Չավուշօղլուն հեռախոսազրույց են ունեցել, որի ընթացքում քննարկել են Թուրքիայում հզոր երկրաշարժի հետևանքների վերացմանն ուղղված օգնությունը և տարածաշրջանում ստեղծված իրավիճակը։
«Հեռախոսազրույցի ընթացքում վերջին տեղեկություններն են տրամադրվել երկրաշարժից տուժած Թուրքիայի բնակչությանը մարդասիրական օգնություն ցուցաբերելու ուղղությամբ իրականացվող փրկարարական աշխատանքների մասին»,- ասվում է Ադրբեջանի ԱԳՆ հաղորդագրության մեջ։
Բայրամովը նաև նշել է, որ Ադրբեջանը շարունակելու է աջակցել Թուրքիային երկրաշարժի հետևանքների վերացման գործում։
«Հեռախոսազրույցի ընթացքում մտքերի փոխանակում է տեղի ունեցել տարածաշրջանում տիրող իրավիճակի, այդ թվում՝ փոխադարձ հետաքրքրություն ներկայացնող հարցերի շուրջ»,- ասվում է հաղորդագրությունում։
Էմմա Չոբանյան
