05.08.2026 | 16:15
Թող գան ու փնտրեն․ Հաջիևը՝ Ադրբեջանում Իսրայելի բազաների մասին
Պոլսո hայոց պատրիարքը 3 մլն լիրա է նվիրաբերել Թուրքիայում երկրաշարժից տուժածներին օգնության համար
Քաղաքականություն
16.02.2023 | 18:22
Թուրքիայում երկրաշարժերի հետևանքով առաջացած աղետի դեմ պայքարելու նպատակով անցած գիշեր տասնյակ տեղական, ազգային հեռուստաալիքների և ավելի քան 200 ռադիոկայանների համատեղ հեռարձակմամբ իրականացվել է օգնության մեծ արշավ։ «Թուրքիան՝ մեկ սիրտ» արշավի ընթացքում հավաքված գումարը հասել է 115 միլիարդ լիրայի, գրում է Ստամբուլում լույս տեսնող «Ակոս» պարբերականը։
Փոքրամասնությունների համայնքների հոգևոր առաջնորդները նույնպես իրենց համայնքների անունից նվիրաբերություններ են արել։ Մասնավորապես, Տիեզերական պատրիարք Բարդուղիմեոսը հայտարարել է, որ իրենք կնվիրաբերեն 3 մլն լիրա, Պոլսո հայոց պատրիարք Սահակ Մաշալյանը՝ 3 մլն լիրա, սիրիական համայնքի հոգևոր առաջնորդ Յուսուֆ Չեթինը՝ 1 մլն 250 հազար լիրա։
Հիշեցնենք, որ ավելի վաղ Թուրքիայի հայ համայնքը 2,5 մլն լիրա էր փոխանցել Աղետների և արտակարգ իրավիճակների վարչության՝ AFAD-ի հաշվին՝ երկրաշարժից տուժածներին օգնության համար։
Էմմա Չոբանյան
