12.01.2025 | 14:16
Առաջիկա օրերին օդի ջերմաստիճանն էապես չի փոխվի
Լուկաշենկոն պատրաստ է ՌԴ-ին թույլ տալ իր տարածքը որպես ցատկահարթակ օգտագործել՝ Ուկրաինայի վրա նոր հարձակման համար
Քաղաքականություն
16.02.2023 | 15:49
Բելառուսի ղեկավար Ալեքսանդր Լուկաշենկոն BBC-ին ասել է, որ «պատրաստ է թույլ տալ նախագահ Պուտինին» օգտագործել իր երկիրը որպես ցատկահարթակ՝ Ուկրաինայի դեմ նոր հարձակման համար: Մինսկում տեղի ունեցած ասուլիսի ժամանակ նա այսպես է պատասխանել BBC-ի թղթակից Սթիվ Ռոզենբերգի հարցին։
«Այո՛, ես պատրաստ եմ․․․ Դուք ասում եք՝ ներխուժում, մենք այդ հարցի վերաբերյալ տարբեր տեսակետներ ունենք։ Կարծում եմ, որ Ռուսաստանը ստիպված է եղել իրականացնել այդ գործողությունները՝ իր անվտանգությունն ապահովելու համար։ Ես պատրաստ եմ կրկին տրամադրել (տարածքը)։ Բայց ես պատրաստ եմ նաև պատերազմել ռուսների հետ Բելառուսի տարածքից, բայց միայն այն դեպքում, եթե ինչ-որ մեկը՝ թեկուզ մեկ զինվոր, զենքով գա մեր տարածք՝ սպանելու իմ մարդկանց»,- ասել է Լուկաշենկոն։
Պատերազմին Բելառուսի մասնակցության հարցը քննարկվում է անցյալ տարվա փետրվարից, քանի որ ռուսական զորքերն այս երկրի տարածքն օգտագործում էին որպես ցատկահարթակ՝ Ուկրաինա ներխուժելու համար։ Բացի այդ, ռուսական զորքերը պարբերաբար հարվածներ են հասցնում Ուկրաինային Բելառուսում տեղակայված օդանավակայաններից և արձակման կայաններից:
Տաթև Ֆռանգյան
