09.10.2026 | 09:42
Անտոնիո Ֆերնանդեսը հրապարակել է ֆուտզալի Հայաստանի հավաքականի կազմը
Ղրիմը վերադարձնելու՝ Ուկրաինայի փորձերը Պուտինի համար «կարմիր գիծ» են․ Բլինքեն
Քաղաքականություն
16.02.2023 | 13:55
Ղրիմը վերադարձնելու՝ Ուկրաինայի փորձերը ՌԴ նախագահ Վլադիմիր Պուտինի համար «կարմիր գիծ» են։ Ըստ Politico-ի՝ այս մասին հայտարարել է ԱՄՆ պետքարտուղար Էնթոնի Բլինքենը փորձագետների խմբի հետ տեսակապով զրույցի ժամանակ, գրում է BBC-ի ռուսական ծառայությունը։
Politico-ն նշում է, որ կարմիր գծի մասին Բլինքենի խոսքերը պատասխան են եղել հարցին՝ արդյո՞ք ԱՄՆ-ը պատրաստ է օգնել Ուկրաինային վերադարձնել Ղրիմը։
Բլինքենի արձագանքին ծանոթ չորս աղբյուրի խոսքով՝ նա հայտարարել է, որ ԱՄՆ-ը չի խրախուսում Ղրիմը վերադարձնելու Ուկրաինայի ցանկությունը, սակայն վերջնական որոշումն այդ հարցում կայացնելու է Կիևը։
Հանդիպման երկու մասնակիցներ, որոնց հետ խոսել է լրատվականը, նշել են, որ այլ կերպ են ընդունել պետքարտուղարի խոսքերը։ Ըստ նրանց՝ քանի որ Բլինքենն ընդգծել է, որ վերջնական որոշումը ուկրաինացիներինը պետք է լինի, հասկացրել է, որ բաց է թերակղզու համար ուկրաինական պոտենցիալ պայքարի համար։
Էմմա Չոբանյան
