20.03.2026 | 17:35
ԱՄՆ-ում խարդախության մեղադրանքով մի խումբ հայեր են ձերբակալվել
Բայրամովը ԵՄ դեսպանի հետ քննարկել է Լաչինի միջանցքի արգելափակումը
Քաղաքականություն
16.02.2023 | 13:08
Ադրբեջանի ԱԳ նախարար Ջեյհուն Բայրամովը ԵՄ Արևելյան գործընկերության ծրագրի դեսպան Քրիստինա Յոհաննեսոնի հետ հանդիպմանն անդրադարձել է Լաչինի միջանցքի արգելափակման խնդրին։
Ադրբեջանի ԱԳՆ-ն հաղորդում է, որ հանդիպման ընթացքում կողմերը քննարկել են են մի շարք ոլորտներում Բաքվի և Եվրամիության համագործակցության շրջանակում Արևելյան գործընկերության ծրագրի իրականացումը, այդ թվում՝ էներգետիկ անվտանգության ապահովումը և այլընտրանքային էներգետիկ ռեսուրսների օգտագործումը, ինչպես նաև տարածաշրջանում առկա իրավիճակը։ Ուշադրություն է դարձվել ԵՄ Խորհրդում նախագահության ընթացքում Շվեդիայի առաջնահերթություններին և այդ համատեքստում թե՛ Շվեդիայի, թե՛ Եվրամիության հետ Ադրբեջանի համագործակցության խնդրին։
Բայրամովը նաև խոսել է Ադրբեջանի խաղաղության օրակարգից, Ադրբեջանի և Հայաստանի միջև հարաբերությունների կարգավորման գործընթացից, ինչպես նաև Բաքվի կողմից Լաչինի միջանցքի փակումից՝ ադրբեջանական կեղծ թեզերի համադրությամբ։ Նա ներկայացրել է Լաչինի միջանցքը փակելու համատեքստում «Ադրբեջանի օրինական պահանջների և անվտանգության շահերի», ինչպես նաև այն խոչընդոտների մասին, որոնք, իբր, «Հայաստանը ստեղծում է խաղաղության գործընթացի և խաղաղության համաձայնագրի շուրջ բանակցությունների համար»։
Էմմա Չոբանյան
