28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Միրզոյանը Թուրքիա այցից մանրամասներ է ներկայացնում․ ՏԵՍԱՆՅՈՒԹ
Քաղաքականություն
16.02.2023 | 12:16
Թուրքիա կատարած այցի ու քննարկումների հիմնական թեման տեղի ունեցած երկրաշարժն էր։ Այս մասին Միրզոյանն ասաց կառավարության նիստի ժամանակ։
Նախարարը հայտնեց, որ թուրքական կողմից և՛ կենտրոնական իշխանությունների, և՛ տեղի վարչակազմի, և՛ բնակչության արձագանքի մակարդակով հայ փրկարարների ծառայության, ինչպես նաև հումանիտար օգնության վերաբերյալ գնահատանքի խոսքեր են հնչել։
Միրզոյանն ընդգծեց, որ քննարկվել են երկկողմ հարաբերությունների որոշ հարցեր, ձեռք են բերվել կոնկրետ պայմանավորվածություններ։
«Որոշում կա արագացնել երկխոսության գործընթացը և վերջնական սահմանների բացման նպատակով տեղի ունեցող գործընթացները:
Հայտարարվեց, որ համատեղ աշխատանքներ կիրականացնենք Անիի պատմական կամրջի վերականգնման ուղղությամբ:
Ըստ էության՝ մինչև զբոսաշրջային սեզոնի մեկնարկը նաև կաշխատենք ավարտին հասցնել երրորդ երկրների քաղաքացիների համար և մեր երկու երկրների դիվանագիտական անձնագրեր ունեցող քաղաքացիների համար ցամաքային սահմանի հատումը»,- նշեց Միրզոյանը:
Հիշեցնենք` ՀՀ արտգործնախարարը Թուրքիա է մեկնել փետրվարի 15-ին, որտեղ հանդիպել էր Թուրքիայի արտգործնախարար Մևլութ Չավուշօլուի հետ։ Նա նաև այցելել է աղետի գոտի` Ադիյաման, որտեղ էլ հանդիպել էր որոնողափրկարարական աշխատանքներ իրականացնող ՀՀ փրկարարական խմբին։
Մանրամասները՝ տեսանյութում։
