09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Բացարձակապես անընդունելի է մեզ ուղղված քննադատությունը. Փաշինյանը` Թուրքիա ուղարկված օգնության մասին․ ՏԵՍԱՆՅՈՒԹ
Քաղաքականություն
16.02.2023 | 12:07
Մեր գործողություններն առաջին հերթին զուտ հունանիտար շարժառիթ ունեն։ Բացարձակապես անընդունելի է մեզ ուղղված քննադատությունը։ Այս մասին այսօր ՀՀ կառավարության նիստում ասաց վարչապետ Նիկոլ Փաշինյանը` խոսելով Թուրքիա ուղարկված օգնության մասին։
«Չեմ կարող պատկերացնել իրավիճակ, որ դռնից այն կողմ միլիոնավոր մարդիկ աջակցության կարիք ունենան բնական աղետի պարագայում, ու որևէ մեկը կարող է անտարբեր մնալ»,- նշեց վարչապետը։
Փաշինյանի խոսքով՝ Սիրիային հատկացված հումանիտար օգնությունը պակաս հասանելի է` պայմանավորված օբյեկտիվ և սուբյեկտիվ պատճառներով։
«Պիտի արձանագրեմ, որ Հայաստանն առաջին երկրներից էր, որ որոշում կայացրեց և հումանիտար օգնություն ուղարկեց Սիրիա։ Մենք պլանավորում էինք և պլանավորում ենք ԱԳ նախարարի այցը նաև Սիրիայի Արաբական Հանրապետություն»,– ասաց Փաշինյանը` հավելելով, որ եթե այդ երկրում դեմ չլինեն, նման այց կառաջիկայում տեղի կունենա։
Վարչապետն ընդգծեց, որ ՀՀ կառավարությունը կապի մեջ է լինելու թե՛ Սիրիայի, և թե՛ Թուրքիայի իշխանությունների հետ` հասկանալու, թե ինչ աջակցության կարիք կա և ինչ կարող է անել Հայաստանը աղետից տուժած երկրներին օգնելու համար։
Հիշեցնենք այսօրվա նիստում որոշվեց 2023 թվականի ՀՀ կառավարության պահուստային ֆոնդից արտակարգ իրավիճակների նախարարությանը հատկացնել 157,816.1 հազար դրամ՝ երկրաշարժից տուժած երկրներին սնունդ և անկողնային պարագաներ տրամադրելու նպատակով։
Մանրամասները՝ տեսանյութում։
