08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ պետքարտուղար Բլինքենը կայցելի Գերմանիա, Թուրքիա և Հունաստան
Քաղաքականություն
16.02.2023 | 14:28
ԱՄՆ պետքարտուղար Էնթոնի Բլինքենը կմասնակցի Մյունխենի անվտանգության համաժողովին, որտեղ կանցկացնի մի շարք հանդիպումներ կունենա՝ քննարկելու Ուկրաինային հետագա աջակցությունը, օգնությունը Թուրքիային և սիրիացի ժողովրդին: Այս մասին ասվում է ԱՄՆ Պետքարտուղարության հայտարարության մեջ, փոխանցում է VOA-ն։
Պետքարտուղարի հաջորդ կանգառը կլինի Անկարան, որտեղ նա կհանդիպի Թուրքիայի արտգործնախարար Մևլութ Չավուշօղլուի և թուրք բարձրաստիճան այլ պաշտոնյաների հետ։
Էնթոնի Բլինքենը կքննարկի «ավերիչ երկրաշարժերից հետո ԱՄՆ-ի աջակցությունը Թուրքիային և թուրք ժողովրդին, ինչպես նաև Թուրքիայի՝ որպես ՆԱՏՕ-ի արժեքավոր դաշնակցի հետ գործընկերությունն ավելի ամրապնդելու ուղիները»:
Աթենքում պետքարտուղար Բլինքենը կհանդիպի Հունաստանի վարչապետ Կիրիակոս Միցոտակիսի, արտաքին գործերի նախարար Նիկոս Դենդիասի և ընդդիմության առաջնորդ Ալեքսիս Ցիպրասի հետ՝ քննարկելու պաշտպանական համագործակցությունը, էներգետիկ անվտանգությունը և ժողովրդավարությունը պաշտպանելու ընդհանուր հանձնառությունը:
Տաթև Ֆռանգյան
