15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
157 մլն դրամ է ծախսվել Թուրքիային ու Սիրիային ուղարկված հումանիտար օգնության համար
Քաղաքականություն
16.02.2023 | 00:22
Հայաստանի կառավարությունը փետրվարի 6-ի ավերիչ երկրաշարժից հետո Թուրքիային ու Սիրիային 157 մլն 816 հազար դրամի հումանիտար օգնություն է տրամադրել։
Այս մասին Factor.am-ը տեղեկանում է ՀՀ արտակարգ իրավիճակների նախարարության կողմից մշակված նախագծից։
Աղբյուրի համաձայն՝ Հայաստանն այդ երկրներ է ուղարկել ապուրներ, բանջարեղենային, մսային, ձկան պահածոներ, շաքարավազ, խմելու ջուր, բրինձ, մակարոն, ներքնակներ և անկողնային պարագաներ։
Թե 157 մլն 816 հազար դրամն ինչպես է բաշխվել երկու երկրների միջև, նախագծից պարզ չէ։
Նշենք, որ Հայաստանը հայ-թուրքական ցամաքային ամենակարճ ճանապարհով՝ Մարգարայի կամրջով, երկու անգամ հումանիտար օգնություն է ուղարկել Թուրքիա։ Առաջին խմբաքանակը եղել է 100 տոննա՝ հինգ բեռնատար, երկրորդի վերաբերյալ պաշտոնական տեղեկություններ չկան։
Հայաստանը երկու անգամ մարդասիրական օգնություն էլ Սիրիա էր ուղարկել՝ ընդհանուր 55 տոննա։
Նարեկ Կիրակոսյան
