04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Միրզոյանը Քըլըչի հետ մեկնել է Ադըյաման․ Արցախի գազամատակարարումը մասնակի վերականգնվել է․ Լուրեր
15.02.2023 | 18:25
- Հայաստանի արտաքին գործերի նախարար Արարատ Միրզոյանի պատվիրակությունը ժամանել է Թուրքիայի Ադըյաման քաղաք, որտեղ որոնողափրկարարական աշխատանքներ են իրականացնում հայ փրկարարները: Միրզոյանը կարճատև զրույց է ունեցել փրկարարների հետ, շնորհակալություն հայտնել նրանց աշխատանքի համար: Աղետի գոտում Միրզոյանին ուղեկվել է Հայաստան-Թուրքիա հարաբերությունների կարգավորման բանակցություններում Թուրքիայի հատուկ ներկայացուցիչ Սերդար Քըլըչը: Վերջինս այս օրերին մի քանի անգամ շնորհակալություն է հայտնել Հայաստանին՝ օգնության համար։ Քըլըչը նաև հայտնել է, որ Հայաստանից Ադըյաման է հասել հումանիտար բեռների երկրորդ խմբաքանակը։ Բեռնատարները բացվել են հենց Միրզոյանի ներկայությամբ։
- Ադրբեջանը մասնակիորեն վերականգնել է Հայաստանից Արցախ գազամատակարարումը, որը արգելափակել էր փետրվարի 8-ին: Արցախգազ ընկերությունից հայտնել են, որ հաշվի առնելով մատակարարվող գազի ոչ բավարար ծավալը, գազն առայժմ կմատակարարվի Ստեփանակերտ քաղաքի բաժանորդ-բնակիչներին: Գազի բավարար ճնշումը ապահովելուց հետո, ուշ երեկոյան նախատեսվում է վերականգնել մայրաքաղաքի և շրջկենտրոնների գազալցակայանների մատակարարումը:
- Նախատեսվում է ՀՀ վարչապետ Նիկոլ Փաշինյանի մասնակցությունը Մյունխենի անվտանգության համաժողովին։ Factor TV-ին հայտնել են կառավարությունից։ Համաժողովն անցկացվելու է փետրվարի 17-19-ը։
Այս ժամի լուրերը՝ տեսանյութում։
