24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Չավուշօղլուն հայտարարել է, որ հումանիտար ոլորտում համագործությունը կաջակցի հարաբերությունների կարգավորմանը․ ՏԵՍԱՆՅՈՒԹ
Քաղաքականություն
15.02.2023 | 14:35
Թուրքիայի ԱԳ նախարար Մևլութ Չավուշօղլուն ՀՀ ԱԳ նախարար Արարատ Միրզոյանի հետ մամուլի ասուլիսում անդրադարձել է նաև երկու երկրների հարաբերությունների կարգավորման գործընթացին։
«Հարավային Կովկասում կարգավորման գործընթացը շարունակվում է: Մենք կարծում ենք, որ հումանիտար ոլորտում համագործակցության ըմբռնումը կաջակցի այս գործընթացին: Թուրքիայի և Ադրբեջանի հետ Հայաստանի կարգավորման գործընթացում առաջընթացը կնպաստի մեր տարածաշրջանի խաղաղությանը և բարգավաճմանը։ Ես նաև տեղեկություն ստացա Ադրբեջանի և Հայաստանի միջև ընթացող բանակցությունների ու համապարփակ խաղաղության համաձայնագրի շուրջ երկխոսության մասին։ Եթե 3 երկիր անկեղծ քայլեր ձեռնարկեն, մենք կհաստատենք հարատև խաղաղություն Հարավային Կովկասում։ Այս տարածաշրջանի տնտեսական զարգացման համար կարևոր է նաև Հարավային Կովկասի կայունությունը։ Խոսեցինք նաև կարգավորման գործընթացում ձեռնարկվելիք քայլերի մասին։ Դրանցից մեկը Մետաքսի ճանապարհի կամրջի վերակառուցումն է։ Մենք միասին կաշխատենք այս հարցում»,- ասել է Չավուշօղլուն՝ նկատի ունենալով Անիի կամրջի վերականգնումը, ինչի մասին ասուլիսում խոսել է նաև ՀՀ ԱԳ նախարար Արարատ Միրզոյանը։
Էմմա Չոբանյան
